IBRANI 5:12 - PERJANJIAN BARU NALCA YUBA

¹² Wen era, ugunda yuba len nanga dangamnesom bok, nera ununaʾ orokaʾ anyek, alda Imik Neyung yuba doboka ganya kalamakaʾ damok ara, yok nim edya anam pe neknesiseng hogung ek ululum. Anya, ugunda gasa denaʾ lowoka, anam moum soub denaʾ ok delelum.

IBRANI 5:12 交叉參考

MATIUS 17:17

Dara, Yesus adya, ”Ugunda hyak hek nim ek ululum! Ugunda hyak meknewoka dib senenggululum nim ek gobdo ululum. Nara ugunub dara, li hekbadya ok goʾ siklewoka uldablemnemab do? Ban me nera anyagan bo yoululum!” hyok.

MARKUS 9:19

Anasa, Yesus ara sikenek, ”Wei, ugunda dib senenaʾ orok nang ek liklum nang o, nara ugunub dara, liga hekbadya neikaʾ uldablemnamna do? Li hekbadya uweibya ek, ganya hwibnelum do? Wera me nera nak an bo yoululum!” hyok.

RASUL 7:38

Dara, al Musa holaʾ seknenggulumok mok hwalek sam Israeli nang ablaboka ulumek. Nunja neyung yabo youmaʾ nang eb, Sinai meinik sam alak samok lero eb, alablaboka yabalamek. Dara, al Musa bedya nim embengaʾ unaʾ yub era, Imik Neyung adya elegemok dara, onoʾ nuk eleklesuk.”

ROMA 3:2

Wera, sikja naubaʾ perob soʾ ara, yokaʾ-yokaʾ amba hyak gong ulumla. Dara men nong ara, Imik Neyung yub ara sikenek men lobonggosuk.

1 KORINTUS 14:19

nara nim Imik Neyung yuba donaʾ nim longowoka dolomakaʾ ak ara, yuba lebnesinya dara, yuba deng sal-salyaʾ yok-yok yuba gong sanaʾ loboka, yuba doka sirika lambadya ok, nim ella danameijinya nenyek aboka, lebnesisinya.

1 KORINTUS 14:20

Nadya hemyabo nim o, ugunda mek mabo ganya seininaʾ anyek seininggom, mem. Yu ganya boboka malya unaʾ ak sam ak dara, mek moum den mab eneso ulululum. Bok, ganya seininaʾ ak sam ara, ganya kamna nim eneso ulululum.

GALATIA 4:3

Anasonya neikek numbabya, nunda anam neboka ganya kanaʾ orok salek era, sokok an ulumla ganya gong edya gouluwoka bo ulusuk.

PILIPI 3:1

Nadyaʾ hemyab o, anya onoʾ ugunda Wenelesilnya beb seleb kwebdangoka ululumaʾ anyek bekoka ei-ei ganya bololulum. Ugunuk perob dangasin dambaʾ anyaʾ aboka, onoʾ youmaʾ hnon seleb momnya donaʾ pik uboka lebsisedyok, wen hnon sounuwoka lebsin.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

IBRANI 10:32

Nadyaʾ hemyabo nim o, ugunda men yuba doboka ululum salek era, Imik Neyung dilinaʾ anam ugunuk yebesuk dara, igina kwesinaʾ ara nauba ulusuk bok, eiwaawom aboka pe unululumaʾ anyek pe beklemnelum.

IBRANI 5:11

Yesus ara senenggom yuba wa gaknya ulumlaʾ amba dara, nauba lebnesisinya bok, ugunda pe nidyaʾ olowoka ella danggunusom hogung ululumaʾ anasa, pe yana lelewoka lebnenggunusin.

IBRANI 5:13

Nimi moum soub ok anam delemak nim era, anam ganya hwinaʾ orokaʾ anyek, ganya olowoka nera perobaʾ, nera malyaʾ senenaʾ ara anam elgomaʾ ak ulumak.

IBRANI 6:1

Anasa wera, Kristus ak men eilibik so domouba yub enyek loboka, gasa yuba doboka ganya kabgiga balamnamab. Anya, ganya danganaʾ yuba hnon, Imik Neyung ak dib senenaʾ hnon,

1 PETRUS 2:2

Wenelesilnya bera hyak perobnya ulumlaʾ ara, ugumba seleb ella ululumaʾ anasa, ugunda wenyok beibna me neneso uboka, perob geisa moum soub mek enyek desinya senen ganya bololulum. Ban anadya ugunja ganya nebnesilikanya, blebnesil.

1 PETRUS 4:11

Nimi ben hnon yuba lebnelenya bera, alda Imik Neyung yub aldib an aboka lelelul. Nimi yok nim ek arawanasin senewalenya bera, Imik Neyung adya elegamlya migib ek sunuwoka aralesulul. Wera anadya yokaʾ-yokaʾ unulumnelumaʾ ak ara, Yesus Kristus pik uboka Imik Neyung si ak imik nenewanokaʾ aboka unulululum. Imik Neyung ak hnonok alak ok senenggom migibnya ululul, alak ok sobaʾ gibelmorulunok. Amin.