NEHEMIA 7:4 - KITTA KAREBA MADECENG

⁴ Yérusalém kota iya malowwangngé iyakiya céddé'mi pabbanuwana, sibawa dé'pa namaéga bola ripatettong.

NEHEMIA 7:4 交叉參考

NEHEMIA 11:1

Sining pamimpingngé mattette'i ri Yérusalém sibawa naundiwi ra'ya'é untu' pilé séddi kaluwarga polé ri tungke' seppulo kaluwarga iya harusu'é monro ri kota mapaccingngé Yérusalém. Iya dé'é natappilé weddingngi monro ri kota-kota laingngé.

NEHEMIA 11:2

Ri yelle'na mennang engka iya macenningngé mattette ri Yérusalém sibawa ripojiwi mennang ri ra'ya'é.

NEHEMIA 7:3

Upowadangngi mennang, “Pintu gerbanna Yérusalém nappai wedding ritimpa rékko matajanni essoé sibawa harusu'i ritongkona nenniya ripasang paccala'na ri wettu dé'napa naleppe jamang arawéng sining panganrowangngé. Ri lainnaéro harusu'i rijello panganrowangngé polé ri yelle'na pabbanuwana Yérusalém, sibagiyang untu' pos-pos anganrowangengngé na sibagiyassi untu' mappataroli ri daéra mattulilinna bolana mennang.”

NEHEMIA 7:5

Rimakkuwannanaro napakédoi atikku Allataala untu' paddeppungengngi ra'ya'é sibawa sining pamimpingngé enrengngé tomariyolona, kuwammengngi uwulléi bilangngi mennang situru daftar assossorenna mennang. Ri wettuénnaro uruntu'i catatanna passalenna sining tau iya bunge'-bunge' lisué polé ri appalirengngé. Mangoloéwé iyanaritu pappakatajanna iya ulolongengngé polé ri catatangngéro:

YESAYA 58:12

Kota iya maittaénna mancaji ruttungeng mupatettongngi matu paimeng ri yasé'na tettongenna iya riyoloé. Riteppuko matu ‘Bangsa iya mappatettongngé paimeng témbo-témbo sibawa pédécéngiwi sining bola iya ancuru'é.’ ”

MATIUS 6:33

Jaji usahakangngi riyolo', kuwammengngi napparénta Allataala ri laleng atuwo-tuwommu sibawa pogau'ni élo-Na. Naiya manenna laingngé nawéréttokko matu Allataala.