9 Rimakkuwannanaro massempajanni lao ri Allataala sibawa jagaiwi iyaro kotaé esso wenni.
Sitinajako matike' sibawa sadiya-sadiya! Saba' Ibillisi' iyanaritu balimmu. Pada-padai singaé iya joppaé lao tulili nangngautto sappai nanréna.
Angobbino ri Iyya ri wettu aperisengngé, Upaleppe'ko matu, namupoji-Ka matu.”
Jaga-jagako, sibawa tuli massempajakko kuwammengngi mulléi niniriwi sininna gau' maéloé kajajiyang sibawa mulléi mangolo ri Ana'na Tolinoé.”
Jaga-jagako, sibawa assempajakko kuwammengngi aja' mupéneddingiwi paccobangngé. Mémeng rohmu maéloi pogau'i tongengngé iyakiya dé' mulléi, saba' sipa'na tolinoé malemmai!”
Nakkeda iyaro tauwé, “Tenniyana Yakub asemmu. Purano mallaga sibawa Allataala sibawa tolinoé, namupacau; rimakkuwannanaro asemmu mancajiwi Israél.”
Narancanani wettuéro balitta untu' gasai tenrisenna-senna, nainappa naunoki angkanna mappésau jama-jamatta.
Iyakiya tau Yéhudaé mammulani puwélongngi élong darékéwé: “Cappuni awatangetta untu' mattiwi, na maéga senna mupa warowo mallappo. Pappénedditta dé' naulléi mappallaung makkuwaé patettongngi témbo kotaéwé.”
Dé' Napasiduppai rancanana tau maja akkalengngé, napalai jebba sibawa Natikkengngi tau maccaé, angkanna sininna usahana mennang dé' najaji, sibawa ribelléi ri akkalenna muto mennang.
Puwangnge teppasipoléngengngi rancanana bangsa-bangsaé, Napaddéi niya'na mennang.
Ri laleng ribongkara'na bellénna tau iya macéko-cékoé, najagaiwi Puwangnge kuwammengngi pangissengeng iya tongengngé tette'i ripiyara.
