NEHEMIA 2:4 - KITTA KAREBA MADECENG

⁴ Nakkutana arungngé, “Jaji, aga muwacinnai?” Ri laleng ati massempajakka lao ri Allataala makuwasaé ri surugaé,

NEHEMIA 2:4 交叉參考

2 SAMUEL 15:31

Wettunna ripaissengngi lao ri Daud makkedaé maccowé towi Ahitofel silaong assikongkolokenna Absalom, massempajanni Daud makkuwaé, “Oh Puwang, tennapodo aja' muleppessangngi ritarima pangajana Ahitofel!”

1 ARUNG-NGARUNG 3:5

Iyaro wennié nappaitangngi aléna Puwangnge ri aléna ri laleng nippi sibawa makkeda, “Salomo, éllauni aga muwacinnai, iyaro uwérékko matu!”

NEHEMIA 1:11

Engkalingai sempajakku sibawa sempajanna sininna atam-Mu iya laingngé, iya maéloé pakalebbi-Ko. Abbéréyanni pattulum-Mu kuwammengngi na ri essoéwé iyaé atam-Mu naulléi lolongeng paressé babuwa polé ri arungngé.” Iyaro wettué pangurusu énungennaka arungngé.

NEHEMIA 1:4

Uwéngkalingana karébaéro, tudanna sibawa teri. Siyagangngaré esso ittana masussa atikku. Matteruka mappuwasa umassempajatto lao ri Allataala,

NEHEMIA 1:5

“Oh Puwang Allataala makuwasaé ri surugaé. Idi Allataala Iya Marajaé namangoloki ri idi sibawa penno tau. Tette'ki matinulu sibawa makkatenningngi jancim-Mu lao ri tau iya méloriyék-Ko sibawa turusiyéngngi parénta-Mu.

NEHEMIA 2:20

Umappébali, “Allataala makuwasaé ri surugaé mébbui matu jama-jamatta jaji. Idi'é ata-atannaki sibawa maéloki pammulaini mappatettong. Iyakiya iko dé' muwappunnai ha' iyaré'ga muwi appunnangeng aga ri Yérusalém. Mala rékko mabbicarai tauwé passalenna Yérusalém, dé' nariteppu matu asemmu.”

NEHEMIA 2:5

nanauwakkeda lao ri arungngé, “Rékko napuwé loi Datué sibawa maéloi tarimai paréllaunna atatta, suroi atatta lao ri tana Yéhuda untu' patettongngi paimeng kota onrong kuburu'na néné-nénéna atatta.”

ESTER 5:3

Nainappa makkutana arungngé, “Engka aga, Bainéku? Aga muwacinnai? Powadani! Namuni muwéllauwi sitengngana polé ri akkarungekku, uwéréng tokko.”

ESTER 5:6

Wettunna ménung anggoro, makkutanani arungngé, “Makkekkuwangngé powadani aga muwacinnai. Muwi aga muwéllau uwérékko matu, namuni sitengngana polé ri akkarungekku!”

ESTER 7:2

Makkutanani paimeng arungngé lao ri Ester, nanaénutto anggoro, “Nah, Bainéku, aga muwacinnai? Pasti uwabbéréyangngi matu namuni muwéllauwi sitengngana polé ri akkarungekku.”

MAZMUR 136:26

Sukkuru'no lao ri Allataala panguwasana langié; mannennungengngi pammasé-Na.

AMSAL 3:6

Aréngngerakko ri Puwangnge ri laleng sininna iya mupogau'é, nanajellokekko matu cara atuwong iya makessingngé.

MARKUS 10:51

Nakkutana Yésus ri aléna, “Aga muwacinnai Upogau' lao ri iko?” Nappébali iyaro tau butaé, “Pa' Guru, macinnaka makkita.”

RIWAYA'NA RASUL-RASUL-E 23:19

Iyaro komandangngé nakkatenninni limanna iyaro kalloloé, nainappa natiwi massala ri benréng nakkutana, “Aga maélo mupowadakka?”

FILIPI 4:6

Aja mubata-bata passalenna muwi aga. Ri laleng sininna gau'-gau'é, assempajanno sibawa pangoloni paréllaummu ri Allataala. Aga muwapparelluwang, tuli powadai lao ri Allataala ri laleng mattarima kasi.