8 Oh Puwang, éngngerangngi ada-adam-Mu iya napowadaé Musa nasaba parénta-Mu, makkedaé rékko idi, umma Israélié, dé' namatinulu lao ri Iko, maélo-Ko passara-sarakki ri yelle'na bangsa-bangsa laingngé.
Engngerangngi jancim-Mu lao ri atam-Mué, janci iya mabbéré paddennuwang lao ri iyya.
Upassara-sarangngi matu pabbanuwamu lao ri sininna wanuwaé sibawa bangsaé, sibawa Upappajai matu pangkaukemmu iya majaéro.
Nanréi matu tomatowaé ana' ri aléna sibawa ana'é nanréi matu tomatowanna. Makkuwaniro mennang Uhukkung matu, na iya tuwoé mupa Upassara-sarangngi lao ri sininna sulapa'é.
Sibagiyang céddé polé ri mennang Upaleppe'i matu polé ri abbunowangngéro iyakiya ripassara-sarangngi matu mennang ri yelle'na bangsa-bangsaé;
Untu' mappaitangngi asémpowatin-Na lao ri toriyolota, jancin-Na iya mapaccingngéro Narupaiwi matu.
Puwangnge passara-sarakko matu ri yelle'na bangsa-bangsaé ri sininna linoé. Kuwaro sompako matu déwata-déwata iya riyébbué polé ri ajué sibawa batué, déwata-déwata iya dé'e muwissengngi sibawa dé'to naissengngi néné-nénému.
