LUKAS 9:2 - KITTA KAREBA MADECENG

² Nainappa nasuro mennang lao pajjappai tau malasaé sibawa mappallebbangengngi pékkugi Allataala mapparénta selaku Arung.

LUKAS 9:2 交叉參考

MATIUS 10:5

Nainappa nakirinni Yésus iyaro seppuloé duwa rasul sibawa lolongeng panunju'-panunju'éwé, “Aja' mulao ri daérana sining tau tenniyaé tau Yahudi. Aja'to ri kota-kotana tau Samariaé.

MATIUS 13:19

Biné iya teppaé ri lalengngé maddapangengngi tau iya méngkalingaéngngi karéba passalenna pékkugi Allataala mapparénta, iyakiya dé' napahangngi. Poléi Ibillisi'é narampasa'i aga iya pura riyampoé ri laleng atinna mennang.

MATIUS 24:14

Sibawa Karéba Madécéngngé passalenna pékkugi Allataala mapparénta riyappallebbangengngi matu ri sininna linoé, kuwammengngi sininna tauwé naéngkalingai. Purapiro, nainappa polé kiyame'é.”

MATIUS 3:2

Adanna, “Toba'no polé ri dosa-dosamu, saba' dé'na namaitta napparénta matu Allataala selaku Arung!”

MARKUS 16:15

Nakkeda Yésus lao ri mennang, “Laono risininna linoé namuwappallebbangengngi Karéba Madécéng polé ri Allataala lao ri sininna rupatauwé.

MARKUS 6:12

Najoppana iyaro seppuloé duwa ana' gurunna Yésus. Laoni mennang mappallebbangengngi karébaé makkedaé harusu'i toba' rupa tauwé polé ri dosa-dosana.

LUKAS 10:1

Purairo pilési Puwangngé pituppulo ana' guru, nainappa nasuro mennang tadduwa-duwa poddiyoloiwi lao ri tungke' kota sibawa onrong iya maéloé Nalokkai.

LUKAS 10:11

‘Muwi awu kotamu iya engkaé maddekké ri ajéta riyakkeppiketto selaku papparéngngerang lao ri iko. Iyakiya issengngi makkedaé macawé'ni wettunna Allataala mappummula mapparénta selaku Arung ri tengnga-tengngamu!’

LUKAS 10:9

Pajjappai sining tau iya malasaé ri kotaéro, sibawa birittangngi sining tauwé kuwaro, ‘Dé'na namaitta nappammula matu Allataala mapparénta selaku Arung ri tengnga-tengngamu.’

LUKAS 16:16

Hukkunna Musa sibawa pappagguruwanna nabi-nabié, iya manenna tette'i ripajoppa narapi wettunna Yohanés Paccemmé. Mappammulai wettuéro Karéba Madécéng passalenna pékkugi Allataala mapparénta selaku Arung riyabbirittangngi matteru. Nakkuraga tauwé passai aléna untu' mancaji anggotana umma'na Allataala.

LUKAS 9:11

Iyakiya wettunna sining tauwé naisseng passalenna gau'éro, naccowérini mennang Yésus. Natarimani mennang, nainappa mabbicara lao ri mennang passalenna pékkugi Allataala mapparénta selaku Arung. Enrengngé Napajjappa towi tau malasaé ri yelle'na mennang.