LUKAS 9:1 - KITTA KAREBA MADECENG

¹ Naobbini Yésus iya seppulo duwa ana' gurun-Na, nainappa nawéréng mennang akuwasang untu' paddésu'i sétangngé sibawa pajjappai lasaé.

LUKAS 9:1 交叉參考

YOHANES 14:12

Tongeng senna' adak-Kué: Tau iya mateppe'é ri Iyya, napogau'i matu aga iya puraé Upogau' – mala napogau'i matu iya lebbi battowaéppasi – saba' lao-Ka ri Ambo'é.

LUKAS 10:19

Issenni! Pura Uwérénno akuwasang kuwammengngi mulléi malléjja'i ulaé sibawa dokkéngngé enrengngé lemmaiwi awatangenna sininna balié, nadé' gaga séuwa mulléi cilakaiko.

RIWAYA'NA RASUL-RASUL-E 4:30

Wérénni pattulum-Mu kuwammengngi naripajjappa tau malasaé sibawa gau'-gau' makalallaingngé enrengngé gau'-gau' dé'é padanna kajajiyangngi naolai akuwasang sibawa awatangeng polé ri asenna Yésus, Atam-Mu mapaccingngéro.”

MATIUS 16:19

Namaélo-Ka mpérékko goncinna Lino Barunna Allataala. Aga muwattéyang ri linoé, riyattéyang towi ri surugaé. Na aga mupattongeng ri yasé'na linoé, ripattongeng towi ri surugaé.”

RIWAYA'NA RASUL-RASUL-E 1:8

Iyakiya lolongekko matu kuwasa, rékko engkani ri iko Rohna Allataala. Mancajiko matu sabbi-sabbik-Ku ri Yérusalém, ri sininna Yudéa, ri Samaria, sibawa lettu ri cappa'na linoé'.”

RIWAYA'NA RASUL-RASUL-E 9:34

Nakkeda Pétrus lao ri Enéas, “Enéas, Yésus Kristus pajjappako. Oto'no namupaccingiwi onrong atinrommu.” Iyatoro wettué naoto' Enéas.

RIWAYA'NA RASUL-RASUL-E 3:16

Purani Saudara-saudara naita sibawa nasabbing aga kajajiyang sibawa tau péso'éwé. Mawatanni sibawa madisinni paimeng nasaba mateppe'i lao ri Yésus sibawa akuwasan-Na. Nasaba mateppe'i lao ri Yésus na iyaé tauwé mancaji madisingngi paimeng ri yolona maneng Saudara-saudara.

MATIUS 4:24

Iyaro karébaé passalenna Yésus mallebbanni risininna wanuwa Siria, angkanna maéga tau lao ri Aléna. Natiwii mennang sining tau iya nakennaé maddupa-rupang lasa, sibawa maddupa-rupangngé asussang: sining tau atama-tamangngé roh maja, malasa maté manu'-manu'é, sibawa iya péso'é napajjappa manengngi Yésus.

MATIUS 8:9

Saba' harusu' tokka tunru' ri paréntana ri tau mariyasé'é. Na ri yawaku engkato parajuri'-parajuri' iya harusu'é tunru ri paréntaku. Rékko usuroi séddié parajuri' ‘Laoko!’ laowi. Rékko makkedaka lao ri laingngé, ‘Laoko mai!’ poléi; sibawa rékko uparéntangngi atakku, ‘Ebbui iyaé!’ naébbui.”

LUKAS 10:1

Purairo pilési Puwangngé pituppulo ana' guru, nainappa nasuro mennang tadduwa-duwa poddiyoloiwi lao ri tungke' kota sibawa onrong iya maéloé Nalokkai.