LUKAS 7:7 - KITTA KAREBA MADECENG

⁷ Iyanaro saba'na dé' ubarani mangolo ri Bapa'. Jaji wéréng bawanni parénta kuwammengngi najjappa pattumanikku.

LUKAS 7:7 交叉參考

MAZMUR 107:20

Napajjappai mennang sibawa parénta-Na, sibawa paleppe'i mennang polé ri kalebbonna kuburu'é.

LUKAS 4:36

Hérang manenni tauwé, nakkeda séddié lao ri laingngé, “Tenniya culé-culé ada-adan-Na. Nasibawang akuwasang, nasuroi roh-roh majaé massu, namassu tona mennang!”

MAZMUR 33:9

Saba' makkeda-adai, Naripancaji maneng; Namabbéréi parénta, naengka maneng.

MARKUS 1:27

Hérang senna'ni sininna tauwé, angkanna makkeda séddié lao ri laingngé, “Wah, aga iyaé? Séuwa pappagguruwang baru! Nasuroi massu roh-roh majaé sibawa kuwasa, namatinulu ri Aléna!”

LUKAS 5:13

Nakarawani Yésus iyaro tauwé nakkedato, “Upuwéloi, ajjappano!” Iyatoro wettué najjappa lasana.

ULANGENG 32:39

Itani, Iyya Allataala Iya Séuwaé, dé'gaga Allataala sangadinna Iyya. Paunoka sibawa mappatuwo, loi sibawa mappajjappa. Rékko tinda'ka, dé' muwi séddi tau mulléi méwa.

1 SAMUEL 2:6

Mappamaté Puwangnge, mappatuwo towi. Napanonnoi tolinoé ri linona tau maté. Na Alénato makkai polé kuwaro.

ASSURENG 15:26

Adanna Puwangnge, “Turusi-Ka mattonget-tongeng, sibawa pogau'i aga iya Muwitaé makessing; accowérini sininna parénta-Ku. Rékko mupogau'i makkuwaéro, dé' Uhukkukko matu sibawa lasa iya Upakennaiyéngngi tau Maséré'é. Iyya'na ritu Puwang iya pajjappaékko.”

LUKAS 7:6

Nalaona Yésus silaong mennang. Wettunna Yésus macawé'é lettu ri bolaéro, iyaro parawiraé nasuroni sellao-sellaona lao ri Yésus untu' makkeda, “Aja'na Bapa' tasussa-sussaiwi aléta lao ri bolaku. Dé' usitinaja tarimai Bapa' ri bolaku.

LUKAS 7:8

Saba' iyya'é tunru' tokka ri paréntana tomariyasé'é, na ri yawaku engkato parajuri'-parajuri' iya harusu'é tunru' ri parénta-paréntaku. Rékko usuroi séddié parajuri', ‘Laoko!’ laowi; sibawa rékko makkedaka ri laingngé, ‘Laoko mai!’ poléi. Narékko uparéntangngi atakku, ‘Ebbui iyaé!’ naébbui.”