LUKAS 7:2 - KITTA KAREBA MADECENG

² Kuwaro engka parawira Roma iya mappunnaiyé ata iya namaséi senna'é. Iyaro ataé malasai nacéddé'pi namaté.

LUKAS 7:2 交叉參考

KAJAJIYANG 24:27

Adanna, “Ripojiwi Puwangnge, Allataalana puwakku Abraham. Annessana matinului Puwangnge sibawa mamaséi lao ri puwakku Abraham. Napimpikka matteru lao ri sumpulolona.”

KAJAJIYANG 35:8

Kuwatoniro Débora, indo' pasusunna Ribka, maté sibawa rikuburu ri yawana aju battowaé ri seddé yattanna kotaéro. Iyanaro saba'na iyaro ajué nariyaseng “Aju Teri”.

AYUB 31:5

Mattanroka makkedaé dé'pa naengka umacéko-céko; dé' topa naengka ubelléi tauwé.

AMSAL 29:21

Ata iya ripajjabé mappammulai malolona, paccappurenna mancajiwi matu matedde ulu.

MATIUS 27:54

Kapalana tentaraé sibawa prajuri'-prajuri'na iya jagaiyéngngi Yésus métau senna'ni wettunna naita mpéwang tanaé sibawa sininna iya kajajiyangngéro. Makkedani mennang, “Tongeng, iyanaé Ana'na Allataala!”

LUKAS 23:47

Wettunna naita parawira tentaraé aga pura kajajiyang, napojini Allataala. Nakkeda, “Dé' tongeng Napasala iyaro tauwé!”

LUKAS 7:1

Puranana napowada gau'-gau'éro lao ri tau maégaé, laoni Yésus ri Kapernaum.

LUKAS 7:3

Wettunna naéngkalinga iyaro parawiraé passalenna Yésus, nasuroni siyagangngaré pamimpinna tau Yahudié lao ri Yésus untu' méllauwi kuwammengngi napolé sibawa pajjappai atanna.

LUKAS 8:42

nasaba séddi-séddinna ana' makkunrainna iya seppuloé duwa taung umuru'na céddé'pi namaté. Wettunna Yésus joppa lao ri bolana Yairus, sining tauwé redde'i Yésus polé tulili.

RIWAYA'NA RASUL-RASUL-E 10:1

Ri Kaisaréa engka séddi worowané riyaseng Kornélius. Séddiwi kapiténg “Pasukang Italia”.

RIWAYA'NA RASUL-RASUL-E 10:7

Meddé'nana iyaro malaéka' mabbicaraé sibawa Kornélius, naobbini Kornélius duwa tau pattumani bolana sibawa séddi anggota tentara pengawalna iya métaué ri Puwangngé.

RIWAYA'NA RASUL-RASUL-E 22:26

Naéngkalinganaro, laoni iyaro parawiraé ri komandang pasukangngé sibawa makkeda, “Aga iyaé maélo napogau' Bapa'? Iyaé tauwé pabbanuwana wanuwa Roma!”

RIWAYA'NA RASUL-RASUL-E 23:17

Nanaobbina Paulus séddi parawira nanakkeda ri aléna, “Tiwii iyaé kalloloé ri komandangngé, engka maélo nalaporo' ri aléna.”

RIWAYA'NA RASUL-RASUL-E 27:1

Puranana ripettui makkedaé harusu'ki sompe' lao ri Italia, Paulus sibawa siyagangngaré tau tahanang laingngé riyabbéréyanni lao ri Yulius, parawira pasukang tentara Roma iya riyasengngé “Résiméng Kaisar”.

RIWAYA'NA RASUL-RASUL-E 27:3

Pappa bajana lettu'ni ri Sidon. Makessing senna'ni rigaukengngi Paulus ri Yulius. Ripalaloi lao célléngiwi sellao-sellaona kuwammengngi weddingngi mennang mpéréngngi aga napparelluwangngé.

RIWAYA'NA RASUL-RASUL-E 27:43

Iyakiya iyaro parawiraé napésangkaiwi niya'na mennanro nasaba maéloi passalama'i Paulus. Nasuroni sininna tau naullé nangé luppe riyolo' sibawa nangé lao ri wiring.

KOLOSE 3:22

Saudara-saudara iya mancaji ataé! Ri laleng sininna passalengngé sitinajako matinulu lao ri puwammu ri linoéwé. Aja' mumatinulu lao ri mennang banna ri wettunna mennang jagaiko, nasaba macinnako ripoji. Atinuluriwi mennang sibawa ati iya matinulué, nasaba mupakalebbii Puwangngé.