LUKAS 6:3 - KITTA KAREBA MADECENG

³ Nappébali Yésus, “Dé'paga naengka mubacai passalenna napogau'é Daud, wettunna Daud sibawa sining taunna malupu?

LUKAS 6:3 交叉參考

MATIUS 19:4

Nappébali Yésus, “Dé'paga mubacai ri laleng Kitta'é makkedaé Pappancajié iya mébbuéngngi rupa tauwé, ri mulanna naébbui mennang worowané sibawa makkunraié?

MATIUS 21:16

Nakkeda mennang lao ri Yésus, “Muwéngkalingaga napowadaé mennang?” Nappébali Yésus, “Iyyé, Uwéngkalinga. Dé'paga naengka mubacai aya' Kitta'é: ‘Ana'-ana'é sibawa ana'loloé purani Mupagguru untu' powadai pappojiyang sukkué?’ ”

MATIUS 21:42

Nakkeda Yésus lao ri mennang, “Dé' paga mubacai iya tarokié ri laleng Kitta'é? ‘Batu iya dé'é napakéi tukang bangunangngé mancajiwi batu iya poko'é. Iyanaé pangkaukenna Puwangngé, temmaka gellona!’ ”

MATIUS 22:31

Dé'paga naengka mubacai aga napowada Allataala passalenna ripatuwona paimeng tau maté? Makkedai Allataala,

MATIUS 4:2

Patappulo esso patappulo wenni Yésus dé' nanré. Nainappa napéneddingi malupué.

MARKUS 12:10

Tentu purani mubaca iyaé aya'éwé ri laleng Kitta'é, ‘Batu iya dé'é napakéi sining tukang bangunangngé mancajiwi matu iya mapongngé.

MARKUS 12:26

Na passalenna ripaoto'na tau maté paimeng, dé'paga naengka mubacai ri laleng Kitta'na Musa passalenna alekale' iya malluwa'é? Ri lalenna aya'-aya'éro engka taroki makkedaé, makkedai Allataala lao ri Musa, ‘Iyya'naé Allataalana Abraham, Allataalana Ishak sibawa Allataalana Yakub.’