LUKAS 4:5 - KITTA KAREBA MADECENG

⁵ Nainappa Ibillisi' natiwi Yésus ri onrong iya matanré, na ri laleng sikédé mata nappaitangngi Ibillisi' lao ri Yésus sininna akkarungengngé ri linoé.

LUKAS 4:5 交叉參考

AYUB 20:5

arennunna tomajaé banna cinampe bawang, sibawa asennangenna tau madorakaé sikédé mata?

MAZMUR 73:19

Ri laleng sikédé mata ancuru'i mennang, masero senna accappurenna.

MATIUS 24:14

Sibawa Karéba Madécéngngé passalenna pékkugi Allataala mapparénta riyappallebbangengngi matu ri sininna linoé, kuwammengngi sininna tauwé naéngkalingai. Purapiro, nainappa polé kiyame'é.”

MATIUS 4:8

Nainappa natiwisi Ibillisi' Yésus ri bulu iya matanré senna'é nanappaitangngi ri Aléna sininna akkarungengngé ri linoé sibawa sininna asugirenna.

1 KORINTUS 15:52

Iyaro gau'é kajajiyangngi matu tenrisenna-senna ri laleng sikédé mata, wettunna ripaoni tarompé'é untu' paccappurenna. Saba' wettunna riyéngkalinga oni tarompé'éro, sining tau maté ripaoto'i matu paimeng sibawa tubu iya mannennungengngé, sibawa idi manengngé ripinraki matu.

1 KORINTUS 7:31

sibawa tau iya malippué sibawa gau'-gau' linoé, sitinajai tuwo samanna dé' narilippui ri gau'-gau'éro. Saba' iyaé linoé, ri laleng keadaanna makkekkuwangngé, lennye'i matu!

2 KORINTUS 4:17

Na asussang iya dé'é nasiyagaé, iya ripéneddingiyé untu' cinampe', powassélékekki matu séuwa asennangeng iya dé'é padanna sibawa mannennungeng. Iyaro asennangengngé mabélai lebbi battowana rékko ripasibandingngi sibawa iyaro asussangngé.

EFESUS 2:2

Iyaro wettué muwaccowériwi sining abiyasanna linoéwé; bettuwanna matinuluko lao ri panguwasana langi marajaé iyanaritu roh iya makuwasaiyéngngi makkekkuwangngé atinna sining tau iya dé'é namatinulu lao ri Allataala.

EFESUS 6:12

Saba' mammusuki tenniya méwai tolinoé, sangadinna méwai awatangenna sininna sétangngé iya makuwasaiyéngngi wettu iya majaéwé. Riyéwai awatangenna roh-roh majaé iya makuwasaiyéngngi langié.