LUKAS 2:9 - KITTA KAREBA MADECENG

⁹ Tappa nappaitanni aléna malaéka'na Puwangngé ri mennang, sibawa alebbirenna Puwangngé mattappa tajangiwi mennang, namétau senna'na mennang.

LUKAS 2:9 交叉參考

1 ARUNG-NGARUNG 8:11

Iyaro ellungngé pawilo-wilo nasaba araja ahadérékenna Puwangnge angkanna iyaro sining imangngé dé'na naulléi muttama paimeng untu' pogau'i tugasna.

ASSURENG 16:10

Ri wettu mabbicarana mupa Harun lao ri iya manenna, makkitani mennang lao ri padang kessi'é natappa paitani cahayana Puwangnge ri laleng ellungngé.

ASSURENG 16:7

Baja éléé muwitai matu cahaya ahadérékenna Puwangnge. Naéngkalingako Puwangnge macai lao ri Aléna; ya, lao ri Puwangnge, saba' idi'é banna ripogau'i aga iya Napparéntangngé.

YESAYA 35:2

Mpungai padang kessi'é sibawa makkompe, nenniya maddéndang sibawa élokkélong marennu. Agellorenna pada-padai Bulu Libanon, commo'na pada-padai Lompo Karmél sibawa Saron. Na tungke tau naitai matu akuwasanna Puwangnge, sibawa arajanna Allataalata.

YESAYA 40:5

Naripannessai matu arajanna Puwangnge; sininna rupa tauwé nasabbingngi matu. Tongeng, Aléna Puwangnge pura majjanciyangngi!”

YESAYA 60:1

Tokkonno sibawa ancajino tajang, éh Yérusalém, saba' tajang asalamakemmu poléni; natappako Allataala sibawa alebbiren-Na.

YEHEZKIEL 3:23

Naulaona ri ri lompo'é, na kuwaro uwitai tajangngé pawilo iya mappaitangngéngngi ahadérékenna Puwangnge pada-pada iya puraé uwita ri wirinna Salo Kébar. Nainappa mabuwang moppakka ri tompo'na tanaé,

MATIUS 1:20

Mattengngangngi Yusuf timbat-timbangngi iyaro gau'é, mannippiwi. Ri laleng nippinnaro, naitai séddi malaéka'na Puwangngé makkeda lao ri aléna, “Yusuf wijanna Daud, aja' mumétau kawingi Maria; saba' iyaro ana' engkaé ri laleng tampu'na, jajiwi polé ri akuwasanna Rohna Allataala.

LUKAS 1:28

Iyaro malaéka'é laowi ri Maria sibawa makkeda, “Salama'ko, iko iya nabarakkakiyé Puwangngé iya dé'é padanna! Puwangngé sibawakko!”

LUKAS 2:8

Ri wenniéro engka pakkampi-pakkampi iya monrowangngéngngi sining bimbala'na ri padangngé ri daéraéro.

LUKAS 24:4

Ri wettu tettonna mupa mennang kuwaro sibawa pusana pikkiri'i iyaro gau'é tappa engka duwa tau tettong ri seddéna sibawa millakkillang pakéyanna.

YOHANES 12:41

Makkeda makkuwaro Yésaya saba' purai naita arajanna Yésus, sibawa mabbicara passalen-Na.

RIWAYA'NA RASUL-RASUL-E 12:7

Tennasenna-sennana malaéka'na Puwangngé tettong kuwaro sibawa séuwa cahaya mattappa ri laleng bili'na iyaro tarungkué. Iyaro malaéka'é nagottangngi Pétrus angkanna moto. Nainappa makkeda iyaro malaéka'é, “Eh, asitta'ko moto!” Iyatoro wettué naddenne ranté bessié polé ri limanna Pétrus.

RIWAYA'NA RASUL-RASUL-E 27:23

Saba' onna' wennié malaéka' polé ri Allataala iya usompaé, iyanaritu Allataala iya mappunnangiyékka, poléi ri iyya.

RIWAYA'NA RASUL-RASUL-E 5:19

Iyakiya wenninnana, engka séddi malaéka'na Puwangngé timpa'i tange'na tarungkué, nainappa natiwi massu rasul-rasul-é. Nakkeda iyaro malaéka'é lao ri rasul-rasul-é,

2 KORINTUS 3:18

Makkekkuwangngé sininna rupatta dé'na naritongko bowong, sibawa idi mattapparengngi acakkarenna Puwang Yésus. Narimakkuwannanaro matteru-teruki ripinra mancaji pada-pada Aléna; pédé' maittaki pédé' mancaji macakkaki. Acakkaretta poléi ri Roh-é, na iyaro Roh-é iyanaritu Puwangngé.

2 KORINTUS 4:6

Allataala iya makkedaé, “Sitinajai polé ri laleng pettangngé mompoi tajangngé,” Allataala éttoro iya paompoéngngi tajangngéro ri laleng atitta, kuwammengngi namancaji matajang pakkitatta untu' pahangngi acakkarenna Allataala iya mattappaé ri rupanna Kristus.

1 TIMOTIUS 3:16

Muwi séddi tau dé'to mulléi massakkarengngi, temmaka loppona rahasiyana agamata: Nappaitangngi aléna ri laleng rupa tolinoé, sibawa ripannessa tongeng ri Rohna Allataala, enrengngé naita sining malaéka'é. Karébanna ripamengngoi ri yelle'na bangsa-bangsaé, sibawa riyatepperi ri sininna linoé sibawa riyakka ménré ri surugaé.

IBRANI 12:21

Aga iya naitaé sining tau Israéliéro makkuwamani héba'na angkanna makkeda Musa, “Métauka sibawa ténréka!”

WAHYU 18:1

Purairo uwitani séddi malaéka' laing nonno polé ri surugaé. Mappunnaiwi akuwasang iya battowaé, sibawa tappana mébbui sininna linoéwé mancaji macakka.

WAHYU 20:11

Purairo uwitani séuwa kadéra arajang puté iya battowaé sibawa Aléna iya tudangngé ri yasé'na. Lennye'i langié sibawa linoé polé ri yolo-Na, angkanna dé'na napaitana.