3 Rimakkuwannanaro atike'ko! Rékko madosai silessuremmu, amparengngi. Rékko massesse kaléi, addampengengngi.
Aja' mumapeddi ati lao ri nigi-nigi. Puraiwi assisalammu sibawa muwi niga, kuwammengngi dé' mumadosa nasaba tau laingngé.
Nainappa laoni Pétrus ri Yésus nanakkutana, “Puwang, rékko madosai silessurekku lao ri iyya, gangka wékkasiyaga harusu'ka maddampengengngi? Gangka wékkapituga?”
Aja' mucellai tau iya dé'é namaélo ripagguru, nacéccéko matu. Iyakiya rékko tau mapanré mujellokengngi asalanna, naangke'ko matu.
Saudara-saudaraku! Rékko ri yelle'mu engka séddi tau iya dé'énna naccowériwi pappagguruwanna Allataala, nainappa séddié tau laing mébbui iyaro tauwé lisu ri Allataala,
Lebbi kessingngi pakkampareng iya dé'é narisubbu naiya pammasé iya dé'é naripallessu.
Engngerangngi madécéd-décéng! Aja' muwallupaiwi assijancing iya naébbué Puwang Allataalamu sibawa iko. Turusiwi paréntana; aja' sises-siseng muwébburengngi alému dato'-dato' muwi ri laleng tappa aga untu' risompa,
Pénessaiwi sibawa éngngerangngi madécéd-décéng, kuwammengngi sillampé umuru'mu dé' muwallupaiwi aga pura alému sabbingngi. Curitangngi lao ri ana'-eppomu
Aja' muwébbu assijancing sibawa sining tau ri wanuwa iya mulokkaiyé, saba' iyaro gau'é weddingngi mancaji siyo-siyo iya nassabariyé amaténg untu' alému.
Rimakkuwannanaro, jagaiwi aja' narapiko ateddéngeng aga iya puraé riusahangekko: Usahano kuwammengngi mutarima manengngi.
Jagaiwi aja' lalo naengka muwi séddi tau iya massué polé ri laleng akessingeng atinna Allataala, kuwammengngi aja' naengka iya mancajiyé pada-pada aju-kajungngé engkaé racunna ri tengnga-tengngamu angkanna paompo asukkarakeng enrengngé solangiwi maéga tau sibawa racunna.
Rimakkuwannanaro, pénessaiwi madécéd-décéng atuwo-tuwommu. Aja' mutuwo pada-pada sining tau iya mapanré.
“Jagaiwi alému, aja' lalo mutuli mappésta-pésta sibawa ménung énungeng maserié, iyaré'ga tuli pikkiri'i passalenna atuwommu, angkanna dé' musadiya wettunna polé iyaro Essoé temmusenna-sennai.
Séddi pakkampareng lebbi makkébettuwangngi untu' tau engkaé akkalenna naiya sératu pabbabba ri tau iya madonggoé.
Rékko séddié tau makessing mamparekka, nenniya naajara'ka sibawa malempu, iyaro pada-padai minnya iya kaminang makessingngé untu' aléku. Tennapodo dé' usampéyangngi, saba' matteruka massempajang méwai jana mennang.
“Engngerangngi madécéd-décéng! Wettunna mabbicara Puwangnge lao ri iko polé ri laleng apié ri Bulu Sinai, dé' aga-aga muwita.
