LUKAS 1:6 - KITTA KAREBA MADECENG

⁶ Atuwonna mallaibinéro napésennangiwi atinna Allataala. Iya duwa naturusiwi sininna paréntaé sibawa Hukkunna Puwangngé sibawa tonget-tongeng.

LUKAS 1:6 交叉參考

KAJAJIYANG 17:1

Wettunna Abram makkéumuru aséra pulona aséra taung, nappaitanni aléna Puwangnge lao ri aléna sibawa makkeda, “Iyya'na Allataala Iya Pommakuwasaé. Atinuluri-Ka sibawa tuli pogau'ni élo-Ku.

KAJAJIYANG 6:9

Iyanaé riwaya'na Nuh. Mappunnaiwi tellu ana' worowané, iyanaritu Sém, Yafét sibawa Ham. Dé' napogau'i Nuh salaé, sibawa alé-aléna bawang tau tongeng ri wettunna. Tuwoi sibawa maréppé ri Allataala.

KAJAJIYANG 7:1

Nanakkedana Puwangnge lao ri Nuh, “Uwitai makkedaé iko alé-aléna tau iya pogau'éngngi élo-Ku. Jaji, uttama'no ri laleng kappala'éro silaong sininna kaluwargamu.

1 ARUNG-NGARUNG 15:5

Napogau'i Puwangnge gau'éro saba' Daud pura pésennangiwi atin-Na. Dé' naengka Daud nallupaiwi parénta-paréntana Puwangnge, sangadinna ri laleng parakara Uria tau Hét-éro.

1 ARUNG-NGARUNG 9:4

Rékko mattumaniko ri Iyya sibawa macenning atimmu nenniya malempu pada-pada ambo'mu Daud, sibawa muturusiwi hukkung-hukkung nenniya parénta-parénta-Ku,

2 ARUNG-NGARUNG 20:3

“Puwang, éngngerangngi makkedaé iyya'é purana mattumani ri Iko sibawa matinulu enrengngé malempu atikku. Tuli makkuragaka turusiwi élo-Mu.” Nainappa teri Hizkia sibawa masussa.

2 TAWARIKH 17:4

sangadinna massompai ri Allataala. Mapatoi ri parénta-paréntana Allataala, sibawa atuwo-tuwonna dé' napada-pada arung-ngarunna Israélié.

AYUB 1:1

Ri tana Us monroi séddi tau worowané riyasengngé Ayub. Nasompai Allataala sibawa matinulu na lao ri Aléna. Séddiwi tau iya makessing atié sibawa dé' napogau' ja muwi céddé.

AYUB 1:8

Namakkutana Puwangnge, “Puraniga mupénessai atak-Ku Ayub? Ri sininna linoé dé'gaga tau iya makkuwaé matinuluna sibawa makessing atinna pada-pada aléna. Nasompa-Ka sibawa dé' sises-siseng napogau'i majaé.”

MAZMUR 119:6

Rékko upuriyatiwi sininna parénta-Mu, dé' naripakasirika matu.

LUKAS 1:7

Dé' nappunnai mennang ana' saba' manangngi Elisabét na macowani mennang iya duwa.

LUKAS 16:15

Iyakiya makkedai Yésus lao ri mennang, “Ikona ritu tau iya tongengngé rita ri yolona tau laingngé, iyakiya naissengngi Allataala lise' atimmu. Saba' aga naseng matanré rupa tauwé, naita mariyawai Allataala.

LUKAS 2:25

Iyaro wettué ri Yérusalém engka séddi tau riyaseng Siméon. Tau makessingngi, métaui ri Allataala sibawa natajengngi wettunna Allataala passalama'i Israélié. Risibawangngi ri Rohna Allataala,

RIWAYA'NA RASUL-RASUL-E 2:25

Passalenna iyaé Yésus, makkedai Daud, ‘Tuli uwitai Puwangngé ri yoloku; Naranrekka, kuwammengngi nadé' naripakaléwa'-léwa'ka muwi aga.

RIWAYA'NA RASUL-RASUL-E 23:1

Naitani Paulus iyaro anggota-anggota mahkamaé nainappa makkeda, “Saudara-saudaraku! Narapi essoéwé dé' umarasa pasala lao ri Allataala ri laleng atikku passalenna atuwo-tuwokku.”

RIWAYA'NA RASUL-RASUL-E 24:16

Iyanaro saba'na nauwakkuraga senna', kuwammengngi namapaccing atikku lao ri Allataala sibawa mapaccing lao ri rupa tauwé.

RIWAYA'NA RASUL-RASUL-E 8:21

Dé' muwappunnai ha' untu' maccowé ri laleng jama-jamatta, nasaba dé' natongeng atimmu lao ri Allataala.

ROMA 8:4

Napogau'i Allataala iyaro kuwammengngi élo-Na iya napannessaé ri laleng hukkunna agama Yahudiéro weddingngi ripajoppa ri laleng aléta iya tuwoé situru Rohna Allataala sibawa dé' nasituru' sipa'na tolinoé.

1 KORINTUS 11:2

Upojiko saba' tuli muwéngngerakka sibawa turusiwi pappagguruwang iya uwabbéréyangngé lao ri iko.

2 KORINTUS 1:12

Masenna'ki, saba' ati marilaletta pannessai makkedaé atuwotta ri linoéwé – utamana assisumpungetta sibawa Saudara – ripogau'i sibawa matinulu enrengngé mattonget-tongeng. Ripogau'i iyaro tenniya nasaba apanréng tolino, iyakiya nasaba amampungeng iya nabbéréyangngé Allataala.

ULANGENG 5:33

Pogau'ni sininna napparéntangngé Puwang Allataalamu lao ri iko kuwammengngi musaléwangeng sibawa mulléi mattette ri wanuwa iya maéloé muwonroi.”

FILIPI 2:15

Nanallalengiro muwappaitangngi makkedaé iko iyanaritu ana'-ana'na Allataala iya dé'é gaga cellana, iya tuwoé sibawa matinulu enrengngé tongeng ri tengnga-tengngana tau majaé sibawa madosaé. Na wettunna mupalettu lao ri mennang biritta iya mabbéré atuwong, sitinajako mancaji lao ri mennang pada-pada cahaya iya mattappaé tajangiwi linoé. Rékko tuwoko pada-padaéro, engkana matu alasang ri iyya untu' marasa mingki passalemmu ri Essona Yésus Kristus polé paimeng. Iyanaro buttinna makkedaé perjuwangekku dé' nasiya-siya sibawa usahaku engka wassélé'na.

KOLOSE 1:22

Iyakiya makkekkuwangngé, ri laleng amaténna Ana'-Na, Allataala mébbui assisumpungemmu sibawa Aléna simadécéngeng paimeng. Nasibawang caraéro naulléi tiwiko mangolo ri Allataala ri laleng keadaang mapaccing, tuléng sibawa dé' cellana.

1 TESALONIKA 3:13

Nanallalengiro Puwangngé péwatangiwi matu atimmu, angkammu mapaccing sibawa dé' cellana ri yolona Allataala Ambo'ta, wettunna Puwatta Yésus polé silaong sininna tau iya mancajiyé appunnangen-Na.

2 PETRUS 3:14

Rimakkuwannanaro, Saudara-saudara iya upojiyé, ri wettu mutajenna iyaro Essoé, akkuragano tonget-tongeng untu' tuwo mapaccing sibawa dé' cellana ri yolona Allataala. Sibawa piyarai assisumpungeng iya makessingngé sibawa Allataala.

1 YOHANES 2:29

Muwissenni makkedaé tuwoi Kristus situru élona Allataala. Rimakkuwannanaro harusu'i muwissetto makkedaé tungke' tau iya tuwoé situru élona Allataala iyanaritu Ana'nai Allataala.

1 YOHANES 2:3

Rékko matinuluki ri parénta-paréntana Allataala, iyanaro tanranna makkedaé taissengngi Allataala.

1 YOHANES 3:7

Ana'-ana'ku, aja' muleppessangngi muwi niga papusako. Tau iya pogau'éngngi élona Allataala, iyanaritu ana'-ana'na Allataala pada-pada muto Kristus iyanaritu Ana'na Allataala.