13 Purairo nabbéréyanni mennang lao ri aléna ulunna sibawa bagiyang-bagiyang laingngé polé ri olokolo'éro, nanatunui ri yasé'na mézbaé.
Nainappa iyaro manu'-manu'é harusu'i ribibbi ri pong pannina, iyakiya dé' nawedding pettu pannina. Nainappa iyaro manu'-manu'é harusu'i ritunu ri yasé'na mézbaé. Iyaro baunna akkarobangeng ritunué pésennangiwi atinna Puwangnge.
Sépa-sépa akkarobangngé, muttama'ni ulunna sibawa lunra'na, harusu'i mennang napalénne ri yasé'na apié.
Nainappa Harun maggéré olokolo untu' akkarobangeng ritunué untu' aléna muto. Ana'-ana'na Harun palettu'i darana iyaro olokolo'é lao ri aléna, nainappa nabboloreng ri iya eppa benrénna mézbaé.
Nainappa lise babuwana sibawa poppanna iyaro olokolo'é nabissai nanatunui silaong akkarobang ritunué ri yasé'na mézbaé.
