9 Nainappa nataro passapué ri ulunna Harun, na ri passapuéro riyattoddokengngi bélo-bélo ulawengngé, iya mancaji tanrangngé makkedaé mancajini Harun appunnangenna Puwangnge. Iya manennaro napogau'i Musa situru paréntana Puwangnge lao ri aléna.
Suro towi mennang mébbu pattongko aro, éfod, jumba, kaméja risulang, passapu sibawa babbang. Iyaro pakéyang imangngé harusu'i naébbu mennang untu' Harun, kakamu sibawa ana'-ana'na kuwammengngi weddingngi natumaningi-Ka selaku imang.
Taroi passapué ri ulunna sibawa attoddokengngi ri passapuéro bélo-bélo ulawengngé sibawa sobbi “Ripallaingngé untu' Puwangnge”.
Napogau'ni Musa sininna pada-pada iya napparéntangngé Puwangnge.
Nanapogau' manenni Harun sibawa ana'-ana'na iya napparéntangngé Puwangnge naolai Musa.
Naparéntanni pabbantu-pabbantunna untu' mappasang passapu iya mapaccingngé ri ulunna Yosua. Turuni mennang sibawa puranaro mennang pappakéiwi pakéyang iya mabarué sibawa rijagai ri malaéka'na Puwangnge.
