ANGIMANGENG 8:35 - KITTA KAREBA MADECENG

³⁵ Pitungngesso ittana, esso wenni, harusu'ko monro ri yolona sumpang Kémaé untu' pogau'i aga iya napparéntangngé Puwangnge. Rékko dé' mupogau'i, matéko matu. Iyanaro napparéntang Puwangnge lao ri iyya.”

ANGIMANGENG 8:35 交叉參考

1 ARUNG-NGARUNG 2:3

Pogau'ni aga iya naparéntangngékko Puwang Allataalamu. Turusiwi sininna hukkung-hukkung sibawa parénta-parénta-Na iya tarokié ri laleng Kitta'na Musa, kuwammengngi kégi-kégiko lao mallolongekko matu ri laleng usahamu.

ASSURENG 29:35

Upacara allantikenna Harun sibawa ana'-ana'na harusu'i ripogau' pitungngesso ittana bujuru', pada-pada puraé Uparéntakko.

YEHEZKIEL 43:25

Pitungngesso ittana, esso-esso harusu'ko makkarobangeng sikaju bémbé, saping lai lolo, sibawa bimbala lai untu' akkarobangeng paddampengeng dosa. Iyaro olokolo'é dé nawedding engka sala-salanna.

YEHEZKIEL 48:11

Daéra iya ripallaingngéro mancajiwi matu appunnangenna imang-ngimang wija-wijanna Zadok. Purai mennang natumaningi Puwangnge sibawa matinulu na dé' napada tau Léwi sisukué sibawa mennang, iya maccowéé pogau' dosa silaong sibawa sining tau Israél laingngé.

ANGIMANGENG 10:1

Riséuwaé esso Nadab sibawa Abihu, ana'-ana'na Harun, nalai onrong apinna tungke'-tungke' nanalisekiwi sibawa bara. Nainappa nataroi dupa ri laleng apiéro namakkasuwiyang lao ri Puwangnge. Iyakiya iyaro apié dé' nahallala nasaba dé' narisuro mennang makkasuwiyang ri Puwangnge.

ANGIMANGENG 14:8

Nainappa iyaro tauwé harusu'i nasessa pakéyanna, nacukkuru sininna gemme'na, sibawa cemmé. Namapaccinna, sibawa weddinni muttama ri laleng akkémangngé, iyakiya pitungngessopi ittana dé' nawedding muttama ri laleng kémana muto.

ANGIMANGENG 8:30

Purairo malani Musa sibagiyang polé ri minnya upacaraé sibawa sibagiyang polé ri dara iya engkaé ri yasé'na mézbaé, nainappa nakkeppikeng lao ri Harun sibawa ana'-ana'na enrengngé lao ri pakéyanna mennang. Nasibawang caraéro, Musa pallaingngi mennang sibawa pakéyanna lao ri Puwangnge.

ANGIMANGENG 8:34

Napparéntangngi Puwangnge kuwammengngi aga iya ripogau'é iyaé essoé ripogau' towi matteru. Nasibawang upacaraéro riyaddampengengngi dosa-dosamu.

ANGIMANGENG 8:36

Nanapogau' manenni Harun sibawa ana'-ana'na iya napparéntangngé Puwangnge naolai Musa.

ABBILANGENG 19:12

Ri esso matellué sibawa mapitué harusu'i napépaccingi aléna sibawa uwai upacara; nappai mapaccing. Iyakiya rékko ri esso matellué sibawa mapitué dé' napépaccingiwi aléna, tette'i najisi'.

ABBILANGENG 3:7

Majjamai mennang ri Kéma-Ku sibawa harusu'i tumaningiwi sining imangngé enrengngé sininna umma'é sibawa jama-jamanna mennang ri Kéma-Kuro.

ABBILANGENG 9:19

Rékko iyaro ellungngé maittai monro ri yasé'na iyaro Kémaé, tunru'i mennang lao ri peraturana Puwangnge sibawa dé' najoppa polé ri onrongngéro.

2 KORINTUS 7:1

Saudara-saudara iya upojiyé! Sininna iyaro jancié ripattujui lao ri idi. Rimakkuwannanaro sitinajaki pépaccingiwi alé polé ri sininna iya rota'iyéngngi tubu nyawata. Sitinajaki métau ri Allataala, kuwammengngi tasukku nataulléi tuwo banna untu' Allataala bawang.

ULANGENG 11:1

“Eloriwi Puwang Allataalamu, sibawa tuli turusiwi sininna parénta-Na.

1 TIMOTIUS 1:18

Timotius, ana'ku! Iyaé jamangngé upaddettangiko, rékko riyéngngerangngi pasenna Allataala iya napalettu'é nabi-nabié ri laleng jema'é passalenna alému. Sitinajai iyaro pasengngé mancaji bokong ri alému ri laleng angéwangeng iya makessingngé.

1 TIMOTIUS 5:21

Ri yolona Allataala, Kristus Yésus, sibawa malaéka-malaéka'na iya tappilé, uwéllauwi sibawa masero kuwammengngi muturusiwi panunju'-panunju'éwé tebbata-bataiwi muwi niga, sibawa tekkacowé-cowé.

1 TIMOTIUS 6:13

Na makkekkuwangngé, ri yolona Allataala iya mabbéré nyawa lao ri sininna séuwa-séuwaé, sibawa ri yolona Kristus Yésus iya mabbéré asabbiyang iya tongengngé lao ri Pontius Pilatus, uwéllauwi iyaé ri iko:

1 TIMOTIUS 6:17

Lao risining tau iya sugié ri linoéwé, sitinajako pangajari kuwammengngi aja' mennang namatempo sibawa aja' namménasa ri barab-barang iya dé'é natette – pada-pada mutowi asugirengngé. Harusu'i mennang mamménasa lao ri Allataala iya mabbéréyangngéngngi sininna séuwa-séuwaé lao ri idi sibawa maona kuwammengngi tapéneddingiwi.

1 TIMOTIUS 6:20

Aga iya puraé ripaddettangekko, jagaiwi iyaro madécéd-décéng, Timotius! Abélaiwi sining assipabbicarang iya dé'é nakkéguna sibawa sining addebbakengngé passalenna gau'-gau' iya secara kalirué riyasengngi “Pangissengeng”.

2 TIMOTIUS 4:1

Poléi matu paimeng Kristus Yésus ri linoéwé untu' madélékiwi sining tau iya tuwoé sibawa maté; namaéloi polé untu' mapparénta selaku Arung. Rimakkuwannanaro uwéllauwi sibawa masero ri iko ri yolona Allataala sibawa Kristus Yésus:

IBRANI 7:28

Hukkunna agama Yahudié makkai sining tau iya dé'é nasukku mancaji sining imang lompo. Iyakiya rimunri polé ri hukkung-hukkungngéro, mébbui Allataala assijancingeng sibawa tanro makkedaé nakkai selaku Imang Lompo, Ana' iya puraé mancaji Pappassalama' iya sukkué lettu mannennungeng.