33 Pitungngesso ittana dé' naweddikko salaiwi Kémana Puwangnge narapi pura upacara allantikengngé.
Ana'na Harun iya mancaji imangngé sulléiwi ambo'na sibawa muttamakiwi Kéma-Ku untu' pogau'i assompangngé ri Bili' Mapaccingngé, harusu'i napaké pakéyangngéro pitungngesso ittana.
Upacara allantikenna Harun sibawa ana'-ana'na harusu'i ripogau' pitungngesso ittana bujuru', pada-pada puraé Uparéntakko.
Nainappa iyaro tauwé harusu'i nasessa pakéyanna, nacukkuru sininna gemme'na, sibawa cemmé. Namapaccinna, sibawa weddinni muttama ri laleng akkémangngé, iyakiya pitungngessopi ittana dé' nawedding muttama ri laleng kémana muto.
Rékko majjappai iyaro tauwé harusu'i mattajeng pitungngesso. Purairo harusu'i sessa'i pakéyanna sibawa cemmé ri mata uwai, namapaccinna.
Napparéntangngi Puwangnge kuwammengngi aga iya ripogau'é iyaé essoé ripogau' towi matteru. Nasibawang upacaraéro riyaddampengengngi dosa-dosamu.
Ri esso matellué sibawa mapitué harusu'i napépaccingi aléna sibawa uwai upacara; nappai mapaccing. Iyakiya rékko ri esso matellué sibawa mapitué dé' napépaccingiwi aléna, tette'i najisi'.
