ANGIMANGENG 6:11 - KITTA KAREBA MADECENG

¹¹ Purairo harusu'i nasulléi pakéyanna nanatiwii iyaro awué ri saliwenna akkémangngé, ri onrong iya ripattentué untu' iyaro.

ANGIMANGENG 6:11 交叉參考

ASSURENG 29:37

Pogau'i iyaro esso-esso pitungngesso ittana. Namancaji mapaccing maneng mézbaé; agi-agi iya kennaéngngi iyaro mézbaé harusu'i riyabbéréyang lao ri Puwangnge, sibawa nigi-nigi iya géssaéngngi lolongengngi acilakang nasaba awatangeng apaccingenna.”

YEHEZKIEL 44:19

Rékko laowi mennang ri seddé saliweng, kégi maddeppungeng umma'é, iyaro imang-ngimangngé harusu'i naludung pakéyang dinasna mennang ri laleng bili'-bili' mapaccingngé ri Bola-Ku, nainappa paké pakéyang laingngé, kuwammengngi pakéyang ripallaingngéro dé' nacilakaiwi umma'é.

ANGIMANGENG 16:27

Saping lai sibawa bémbé untu' akkarobangeng paddampengeng dosaé, iya daranaé riputtama ri laleng Bili' Pommapaccingngé untu' paddampengeng dosa, harusu'i ritiwi massu ri akkémangngé sibawa ritunu. Bingkulanna, jukuna sibawa lise babuwana iya duwa olokolo'éro harusu'i ritunu maneng.

ANGIMANGENG 24:9

Iyaro rotié untu' Harun sibawa wija-wijanna. Harusu'i mennang nanré ri onrong iya mapaccingngé, nasaba iyaro rotié sinrupai bagiyang iya kaminang mapaccingngé polé ri akkarobangeng inanré iya riyakkasuwiyangengngé lao ri Puwangnge untu' sining imangngé.

ANGIMANGENG 4:12

jaji iya manenna sangadinna bagiyang iya puraé ripallaing, harusu'i ritiwi massu ri akkémangngé. Kuwaniro iyaro sapingngé harusu ritunu ri yasé'na aju tunungngé ri onrong akkabbéyangeng awué, iyanaritu onrong iya ripallaingngé untu' iyaro.

ANGIMANGENG 4:21

Nainappa ritiwi massu iyaro saping laié, naritunu risaliwenna akkémangngé, padapada pakkasuwiyang saping lai untu' akkarobangeng paddampengeng dosana Imang Lompoé. Makkuwaniro carana makkasuwiyangeng akkarobangeng paddampengeng dosana umma'na.

ANGIMANGENG 6:10

Mancaji awunnana iyaro akkarobangngé, massaluwara' ponco'ni imangngé sibawa jumba polé ri kaing lénangngé, harusu'i makkai iyaro awu mallunra'é polé ri yasé'na mézbaé nanataroi ri seddéna mézbaé.

ANGIMANGENG 6:12

Tungke' élé harusu'i imangngé taro aju tunung ri yasé'na mézbaé, matoro'i akkarobangeng ritunué ri yasé'na, sibawa tunui lunra akkarobangeng pappasidamé. Harusu'i matteru-teru malluwa apié ri yasé'na mézbaé sibawa dé' nawedding rileppessang peddé.

ANGIMANGENG 6:20

passalenna akkarobangngé wettunna rilanti séddié imang wijanna Harun. Ri esso rilanti'na, harusu'i makkasuwiyangeng sikilo labbu gandong lao ri Puwangnge. Sitengngana harusu'i riyakkasuwiyangeng ri éléé na sésana ri arawéngngé.

ANGIMANGENG 6:22

Untu' mannennungeng tungke' wijanna Harun iya rilanti'é mancaji Imang Lompo harusu'i makkasuwiyangengngi iyaro akkarobangngé. Iya manenna harusu'i ritunu untu' pakkasuwiyang lao ri Puwangnge.

ANGIMANGENG 7:6

Tungke' worowané ri laleng kaluwargana imang-ngimangngé wedding manréi iyaro juku akkarobangngé, iyakiya harusu'i nanré ri onrong iya ripallaingngé, nasaba iyaro akkarobangngé mapaccing senna'i.