ANGIMANGENG 27:29 - KITTA KAREBA MADECENG

²⁹ Mala rupa tau iya puraé ripallaing lao ri Puwangnge untu' ripabbinasa dé' nawedding ripassu; harusu'i riyuno.

ANGIMANGENG 27:29 交叉參考

1 ARUNG-NGARUNG 20:42

Nanakkeda iyaro nabié lao ri arungngé, “Iyanaé napowada Puwangnge, ‘Tau iya Uparéntangngé kuwammengngi nariyuno purani muleppessang leppe. Rimakkuwannanaro iko harusu maté selaku passulléna. Ancuru'i matu tentaramu nasaba purai muleppessang tentara balié lari.’ ”

ANGIMANGENG 27:28

Dé' muwi séddi tau wedding balu'i iyaré'ga passui aga iya puraé ripallaing temmakkésara' lao ri Puwangnge, muwi iyaro rupa tau, olokolo iyaré'ga tana. Iyaro appunnangenna Puwangnge untu' mannennungeng.

ANGIMANGENG 27:30

Tawa seppulona polé risininna wassélé tanaé, muwi gandong iyaré'ga buwa-buwa, iyanaritu untu' Puwangnge.

1 SAMUEL 15:3

Jaji, laono sibawa gasai tau Amalé'é sibawa mancuru'i sininna appunnangenna. Aja' mutaroi muwi séuwa aga; unoi sininna tau worowané, makkunraié, ana'-ana'é sibawa ana'loloé; makkuwatoro sapingngé, bimbala'é, untaé sibawa kaleddé'é.”

1 SAMUEL 15:8

Sininna ra'ya'é sibawa tentarana Amalé'é naunoni Saul. Iyakiya Agag arunna tau Amalé'é natikkengngi sibawa rileppessangngi tuwo ri Saul sibawa tentarana, makkuwatoro bimbala sibawa saping iya kaminang makessingngé, ana' saping enrengngé ana' bimbala iya kaminang macommo'é, sibawa sininna séuwa-séuwaé iya mangke'é; banna olokolo iya dé'é nakkéguna sibawa dé'é angke'na bawang iya napaccappué.