ANGIMANGENG 26:42 - KITTA KAREBA MADECENG

⁴² Maélo-Ka méngngerangngi assijancik-Ku sibawa Yakub, Ishak sibawa Abraham. Maélo-Ka pakabaruiwi jancik-Ku untu' mpéréngngi tanaéro lao ri bangsa-Ku.

ANGIMANGENG 26:42 交叉參考

KAJAJIYANG 15:18

Iyatonaro wettué napakangka Puwangnge assijancing sibawa Abram. Adanna Puwangnge, “Majjanci-Ka maélo mpéréngngi wija-wijammu sininna tanaéwé, mappammulai polé ri pakkasésénna wanuwa Maséré lettu ri Salo Efrat,

KAJAJIYANG 26:2

Napogau'i iyaro gau'é nasaba Puwangnge pura mappaitangngi aléna ri Ishak sibawa makkeda, “Aja' mulao ri Maséré; onrono ri wanuwaéwé, pada-pada iya puraé Uparéntakko.

KAJAJIYANG 26:24

Iyaro wennié nappaitanni aléna Puwangnge lao ri aléna sibawa makkeda, “Iyya'na Allataalana ambo'mu Abraham. Aja' mumétau; Iyya linrungiko. Maélo-Ka barakkakiko sibawa mpérékko wija-wijanna iya maégaé nasaba jancik-Ku lao ri atak-Ku Abraham.”

KAJAJIYANG 26:5

Maélo-Ka barakkakiko, nasaba purani Abraham turusi-Ka enrengngé napiyarai sininna hukkungngé sibawa parénta-Ku.”

KAJAJIYANG 28:13

Na ri seddéna tettongngi Puwangnge sibawa makkeda, “Iyya'na Puwang, Allataala iya nasompaé Abraham sibawa Ishak. Maéloka mabbéréyangngi lao ri iko sibawa lao ri wija-wijammu tana onrommu léwué.

KAJAJIYANG 28:15

Engngerangngi, maélo-Ka tulukko sibawa linrungiko, kégi-kégiko lao, sibawa maélo-Ka tiwiko lisu ri wanuwaéwé. Dé' Umaélo salaiko narapi pura Upogau' sininna aga iya Uwajjanciyangngé lao ri iko.”

KAJAJIYANG 35:11

Nainappa makkedasi Allataala, “Iyya'na Allataala Iya Pommakuwasaé. Sitinajako makkéana' eppo iya maégaé! Namuwabbija-bijangngi matu bangsa-bangsaé sibawa mancaji ambo'na toriyolona sining arungngé.

KAJAJIYANG 35:12

Wanuwa iya puraé Uwabbéréyang lao ri Abraham, sibawa Ishak, Uwérékko matu sibawa wija-wijammu.”

KAJAJIYANG 9:15

Uwéngngerangngi matu jancik-Ku lao ri iko sibawa lao risininna mahlu' tuwoé, iyanaritu makkedaé lémpe'é dé'na matu napabbinasai sininna iya tuwoé.

KAJAJIYANG 9:16

Rékko paitai tarawué ri ellungngé, Uwitai matu sibawa méngngerangngi assijancing iya mannennungengngéro antara Iyya sibawa sininna mahlu' iya tuwoé ri linoé.

ESTER 4:14

Pasti tau Yahudié lolongengngi matu pattulung muwi cara aga angkanna salama'i. Iyakiya rékko tette'ko bawang mammekko ri laleng keadaang makkuwaéwé, alému paimeng matéto matu sibawa cappui matu curitana kaluwargana ambo'mu. Niga missengngi, ajakké nasaba untu' wettu-wettu pada-padaéwé napurano ripilé mancaji ratu!”

MAZMUR 106:45

Nasaba mennang Naéngngerangngi matu assijancin-Na sibawa napojiwi mennang nasaba pammasé-Na iya battowaé.

MAZMUR 136:23

Dé' nallupaiki wettutta ricau; mannennungengngi pammasé-Na.

ASSURENG 2:24

Nariyéngkalingana mennang ri Allataala, sibawa naéngngeranni assijancin-Na sibawa Abraham, Ishak sibawa Yakub.

ASSURENG 6:5

Jaji appallebbangenni lao ri bangsa Israélié makkedaé makkeda-Ka lao ri mennang: Iyya'na Puwang; Upaleppe'ko matu polé ri angatangenna bangsa Maséré'é. Uwappaitangngi matu akuwasak-Ku iya maseroé untu' passalama'ko sibawa pateppaiwi pahukkungeng matane bangsa Maséré'é.

YESAYA 14:1

Puwangnge mamaséiwi matu Israélié umma'-Na, sibawa piléi mennang paimeng mancaji appunnangen-Na. Nataroi matu mennang paimeng ri wanuwanna muto. Poléi matu tau laingngé sibawa masséddi sibawa mennang.

YEHEZKIEL 16:60

Iyakiya Uwéngngerangngi matu assijancing iya puraé Uwébbu silaong iko ri wettu malolomu sibawa mébbu assijancing sibawa iko iya takkennaé lettu mannennungeng.

YOEL 2:18

Nainappa nappaitang Puwangnge tana-Na, sibawa mamaséiwi umma'-Na.

LUKAS 1:72

Untu' mappaitangngi asémpowatin-Na lao ri toriyolota, jancin-Na iya mapaccingngéro Narupaiwi matu.

ULANGENG 4:31

Puwang Allataalamu iyanaritu Allataala iya mamasé senna'é. Dé' matu nasalaiko iyaré'ga pabbinasako, iyaré'ga mallupaiwi assijancing iya naébbué sibawa toriyolomu.

ULANGENG 9:27

Engngerangngi ata-atam-Mu Abraham, Ishak sibawa Yakub, sibawa aja' Mujampangiwi sipa' matedde atinna, jana sibawa dosana bangsaéwé.

HAKING-HAKING 2:1

Laoni malaéka'na Puwangnge ri Bokim polé ri Gilgal sibawa makkeda lao risining tau Israélié, “Purani Upassuko polé ri Maséré, sibawa tiwiko ri wanuwa iya puraé Ujanciyangngi néné-nénému. Pura Upowada towi, ‘Assitarong janci ri yelle'ta Iyya sibawa iko dé' Umaélo pettuiwi.