ANGIMANGENG 23:3 - KITTA KAREBA MADECENG

³ Engka enneng essona untu' mappallaung, iyakiya esso mapitué, esso Saba'é, iyanaritu esso appésaungeng iya ripallaingngé untu' Puwangnge. Ri essoéro harusu'ko pakangka addeppu-deppungeng untu' massompa sibawa dé' nawedding mappallaung.

ANGIMANGENG 23:3 交叉參考

ASSURENG 16:23

Adanna Musa lao ri mennang, “Iyanaro paréntana Puwangnge: Baja iyanaritu esso ripallaing untu' mappésau, esso Saba'é, esso iya riyakkasuwiyangengngé lao ri Puwangnge. Aga iya maéloé mupanggang essoéwé, pangganni, sibawa aga iya maéloé muséwong, séwonni. Lebbinna apparelluwammu iyaé essoé, pallaingngi sibawa taroi untu' baja.”

ASSURENG 16:29

Engngerangngi makkedaé Uwérékko séddi esso untu' mappésau. Iyanaro saba'na ri esso iya maennengngé Uwérékko inanré iya genne'é untu' duwangngesso. Ri esso iya mapitué tungke' tau harusu'i monro ri bolana, sibawa dé' nawedding massu.”

ASSURENG 16:30

Rimakkuwannanaro ri esso iya mapitué dé' najjama mennang.

ASSURENG 23:12

Enneng essona ri laleng si minggué weddikko majjama, iyakiya ri esso mapitué harusu'ko mappésau, kuwammengngi olokolo'mu, ata-atammu sibawa sining tau majjamangengngékko wedding towi mappésau.

ASSURENG 34:21

Engka enneng essona untu' majjama; aja' mumajjama ri esso mapitué, namuni iyaro wettu maddakkala iyaré'ga wettu éngngalang.

YESAYA 56:2

Ubarakkaki tau iya turusiyéngngi esso Saba'é sibawa dé' napanajisi'i iyaro essoé. Tau iya dé'é napogau'i majaé Ugaukengngi matu sibawa makessing.”

YESAYA 56:6

Makkedai Puwangnge lao risining tau laingngé iya muttama'énna bilangenna umma'na Puwangnge, iya pojiyéngngi Puwangnge sibawa massompa lao ri Aléna, iya pakalebbiéngngi esso Saba'é sibawa matinulu lao ri assijancin-Na,

YESAYA 58:13

Makkedai Puwangnge, “Pakalebbii esso Saba'é selaku esso untu' Puwangnge. Aja' muurusu'i apentingeng ri alému ri essoéro. Pakarajai essoéro selaku esso mariyo-riyo; pakalebbii essona Puwangnge sibawa aja' mulao; aja'to muwappallaung iyaré'ga mabbicara iya siya-siyaé.

ANGIMANGENG 19:3

Tungke' tau harusu'i pakalebbii indo' ambo'na sibawa ramé-raméiwi esso Saba'é pada-pada iya Uwapparéntangngé. Iyya'na Puwang Allataalamu.

LUKAS 13:14

Macaini iyaro kapalana bola assompangngé, nasaba mappajjappai Yésus ri esso Saba'é, rimakkuwannanaro makkedai lao risining tauwé, “Engka enneng essona untu' majjama; poléno ri esso-essoéro untu' mappajjappa, aja' na ri esso Saba'é!”

LUKAS 23:56

Nainappa lisu mennang passadiya rampa-rampa sibawa minnya' wangi untu' minnyakiwi ujuna Yésus. Ri esso Saba'é, mappésauni mennang majjama untu' turusiwi parénta-paréntana agamaé.

RIWAYA'NA RASUL-RASUL-E 15:21

Saba' hukkunna Musa riyolopa nariyolo naribacangeng tungke' esso Saba' risining bola assompangngé, sibawa riyabbirittang ri sininna kotaé.”

WAHYU 1:10

Ri essona Puwangngé, rikuwasaika ri Rohna Allataala, nauwéngkalingai séuwa sadda iya maloppoé – siccenno oni tarompé'é – mabbicara ri monrikku.