ANGIMANGENG 23:23 - KITTA KAREBA MADECENG

^23-24 Tanggala séddi uleng pitu harusu'i riramé-raméi selaku esso iya ripallaingngé untu' mappésau. Iyaro essoé ritanrangiwi sibawa oni tarompé, naharusu'ko pakangka addeppu-deppungeng untu' massompa.

ANGIMANGENG 23:23 交叉參考

ANGIMANGENG 23:22

Rékko méngngalako, aja' muwéngngalai gandong iya tuwoé ri wiring-wiring dare'mu sibawa aja' mulisu untu' paddeppungengngi gandong iya nasésae puranana éngngalangnge. Leppessangngi iyaro untu' tau kasiyasié sibawa tau laingngé. Puwangnge iyanaritu Allataalamu.

ABBILANGENG 15:3

Untu' akkarobangeng ritunué iyaré'ga akkarobangeng pappaleppe tinja'é iyaré'ga akkarobangeng cenning atié iyaré'ga akkarobangeng ramé-ramé biyasaé, weddikko makkasuwiyang lao ri Puwangnge: saping lai, bimbala lai, bimbala iyaré'ga bémbé. Baunna iyaro sining akkarobangngé pésennangiwi atinna Puwangnge.

ABBILANGENG 29:1

Ri tanggala séddinna uleng pitu harusu'ko pakangka addeppu-deppungeng untu' massompa, sibawa dé' nawedding pogau' pallaung iya matane'é. Ri essoéro sining tarompé'é harusu'i ripaoni.