31 Makkedai Puwangnge, “Turusiwi sining parénta-Ku; Iyya'na Puwang.
Turusiwi sining parénta-Ku. Aja' mupasilaiwi olokolo iya dé'é napada-pada. Aja' mutaneng duwanrupa bibi' ri sikonrongngé tana. Aja' mupakéi pakéyang iya ritennungngé polé ri duwanrupa wennang.
Turusiwi sininna hukkung sibawa parénta-Ku. Iyya'na Puwang.”
Anréi iyaro akkarobangngé iyatoro essoé, sibawa aja' mutaroi muwi céddé untu' pappa bajana.
Aja' mutuna-tunaiwi asek-Ku iya mapaccingngé. Sininna bangsa Israélié, harusu'i sompa-Ka selaku Iya Pommapaccingngé. Iyya'na Puwang sibawa Iyya pancajiko mapaccing.
Iyaro jombé-jombé paréngngerangiko matu untu' turusiwi sininna parénta-Ku, angkammu tonget-tongeng mancaji appunnangek-Ku.
Turusiwi sininna hukkung iya uwéréngngékko iyaé essoé, na iko sibawa wija-wijammu saléwangengngi matu sibawa matteru tuwo ri wanuwa iya nabbéréyangngé Puwang Allataalamu mancaji appunnangemmu untu' mannennungeng.”
