ANGIMANGENG 22:2 - KITTA KAREBA MADECENG

² palettu'i iyaé paréntaé lao ri Harun sibawa ana'-ana'na, “Gaukengngi sibawa siratang aga iya nakkasuwiyangengngé bangsa Israélié banna untu' Iyya, kuwammengngi dé' mucarépaiwi asek-Ku iya mapaccingngé. Iyya'na Puwang.

ANGIMANGENG 22:2 交叉參考

EZRA 8:28

Makkedadaka lao risining imangngéro, “Ripallaikko untu' Puwangnge, Allataala iya nasompaé néné-nénéta, makkuwatoro sininna pakkakkasa péra' sibawa ulaweng iya riyassumbangengngé lao ri Puwangnge iyanaritu ripallaingngi untu' Puwangnge.

ASSURENG 13:12

harusu'ko makkasuwiyangengngi tungke' ana' worowané macowaé sibawa olokolo lai iya bunge' jajiyé. Iya manennaro appunnangenna Puwangnge,

ASSURENG 28:38

Iyaro bélo-bélo ulawengngé harusu'i napasang Harun ri linrona kuwammengngi Iyya, Puwang, maélo-Ka tarima manengngi pakkasuwiyanna iya natiwié tau Israélié lao ri Iyya, namuni ri laleng natiwina iyaro pakkasuwiyangngé purai pogau' asalang.

YESAYA 52:11

Laono! Salaiwi kota Babél, éh iko iya tiwiéngngi pakkakkassa bolana Allataala! Aja' mugéssai barang iya najisi'é; pépaccingiwi alému ri wettu dé'napa mujoppa.

YEHEZKIEL 44:8

Tenniya bawang aléna mennang iya pakangkaé upacara-upacara mapaccing ri laleng Bola-Ku, sangadinna sining tau laing iya nasuroé mennang untu' pogau'i.

ANGIMANGENG 15:31

Puwangnge suroi Musa paréngngerangiwi bangsa Israélié kuwammengngi napuriyatiwi uppanna mennang najisi' sibawa uppanna dé', kuwammengngi mennang dé' napanajisi'i Kémana Puwangnge iya engkaé ri tengnga-tengngana akkémanna mennang. Rékko napanajisi'i mennang iyaro Kémaé, matéi matu.

ANGIMANGENG 18:21

Aja' muwabbéréyangngi sala séddinna ana'mu untu' riyakkarobangeng ri laleng sompai Molokh, nasaba iyaro pangkaukengngé napakatunai Allataala, Puwam-mu.

ANGIMANGENG 19:12

Aja' muwajjanci ri laleng asek-Ku rékko dé' mumakkatta rupaiwi jancié, nasaba iyaro mutuna-tunaiwi asek-Ku. Iyya'na Puwang Allataalamu.

ANGIMANGENG 20:3

Tau iya makkarobangngéngngi ana'na lao ri Molokh, napanajisi'i Kéma-Ku sibawa napakatunai asek-Ku iya mapaccingngé. Rihukkungngi matu sibawa dé'na Uwangga'i anggota umma'-Ku.

ANGIMANGENG 21:6

Appunnangekkui iya ripallaingngé nadé' nawedding carépaiwi asek-Ku. Makkasuwiyangngi akkarobangeng inanré lao ri Iyya, jaji harusu'i mapaccing.

ANGIMANGENG 22:1

Puwangnge suroi Musa

ANGIMANGENG 22:32

Aja' mutuna-tunaiwi asek-Ku iya mapaccingngé. Sininna bangsa Israélié, harusu'i sompa-Ka selaku Iya Pommapaccingngé. Iyya'na Puwang sibawa Iyya pancajiko mapaccing.

ABBILANGENG 18:32

Dé' mupasala rékko muwanréi, assaleng bagiyanna iya kaminang makessingngé purani muwakkasuwiyangeng lao ri Puwangnge. Aja' mupanajisi'i pakkasuwiyang mapaccinna tau Israélié ri laleng muwanréna séuwa polé ri pakkasuwiyangngéro ri wettu dé'napa bagiyang iya kaminang makessingngé ripallaing untu' Puwangnge. Rékko muwajjalékkaiwi paréntaéro, matéko matu.

ULANGENG 15:19

“Ana' saping sibawa bémbé bimbala lai iya bunge' jajiyé harusu'i riyakkasuwiyangeng lao ri Puwang Allataalamu. Iyaro sapingngé dé' nawedding ripaké untu' maddakkala, sibawa iyaro bimbala'é dé' nawedding ricukkuru.