ANGIMANGENG 22:16 - KITTA KAREBA MADECENG

¹⁶ sibawa malleppessangngi nanré tau iya dé'é nappunnai ha' manréi. Iyaro gau'é napancajiwi iyaro tauwé pasala sibawa papoléngengngi pahukkungeng ri yasé'na. Iyya'na Puwang, sibawa iyya pépaccingiwi iyaro pakkasuwiyangngé.”

ANGIMANGENG 22:16 交叉參考

MAZMUR 38:4

Masero lasaku nasaba cai-Mu; dé'gaga madising ri tubukku nasaba dosaku.

ASSURENG 28:38

Iyaro bélo-bélo ulawengngé harusu'i napasang Harun ri linrona kuwammengngi Iyya, Puwang, maélo-Ka tarima manengngi pakkasuwiyanna iya natiwié tau Israélié lao ri Iyya, namuni ri laleng natiwina iyaro pakkasuwiyangngé purai pogau' asalang.

ANGIMANGENG 10:17

“Magi iyaro akkarobangeng paddampengeng dosaé dé' muwanréi ri onrong iya mapaccingngé? Iyaro akkarobangngé mapaccing senna; Puwangnge mabbéréyangngi lao ri iko, kuwammengngi nariyaddampengeng dosana umma Israélié.

ANGIMANGENG 20:8

Turusiwi hukkung-hukkuk-Ku, nasaba Iyya'na Puwang, iya pallaingngékko untu' Iyya.”

ANGIMANGENG 21:15

Rékko riyajjalékkaiwi iyaro peraturangngé, ana'-ana'na iya harusu'é mapaccing, najisi'i matu. Iyya'na Puwang sibawa purani Upallaing mancaji Imang Lompo.”

ANGIMANGENG 21:23

Nasaba iyaro tauwé sala-salangngi watakkaléna, dé' nawedding maddeppériwi paddenring iya passarangngéngngi Bili' Mapaccingngé iyaré'ga mézbaé. Dé' nawedding napanajisi' barab-barang iya puraé ripallaing untu' Iyya, nasaba Iyya'na Puwang, sibawa Iyya'na ritu iya pallaingngéngngi iyaro barab-barangngé.”

ANGIMANGENG 21:8

Bangsa Israélié harusu'i mangakuiwi imangngé selaku tau iya ripallaingengngékka nasaba makkasuwiyangngi akkarobangeng inanré lao ri Iyya. Iyya'na Puwang; mapaccikka sibawa Upaccingiwi umma'-Ku.

ANGIMANGENG 22:17

Puwangnge suroi Musa

ANGIMANGENG 22:9

Sininna imangngé harusu'i naturusi sining peraturang iya Uwabbéréyangngé. Rékko dé', pasalai mennang sibawa matéi matu, nasaba najjalékkaiwi sining peraturang iya mapaccingngéro. Iyya'na Puwang, sibawa Iyya ritu pallaingngi mennang untu' alé-Ku.

ANGIMANGENG 7:18

Iyakiya rékko ri esso matellué iyaro jukué riyanré mupi, iyaro akkarobangngé dé'na matu naritarima sibawa dé' natiwi barakka ri tauwéro, mala mancaji harangngi. Tau iya manrééngngi pasalai sibawa harusu'i tanggungngi addimonrinna.

ABBILANGENG 18:1

Makkedai Puwangnge lao ri Harun, “Iko, ana'-ana'mu sibawa sining tau Léwié harusu tanggungngi addimonrinna sining asalang iya kajajiyangngé ri laleng Kéma-Ku, iyakiya banna iko sibawa ana'-ana'mu bawang iya harusu'é tanggungngi asalangngé ri laleng jama-jamanna sining imangngé.

ABBILANGENG 18:32

Dé' mupasala rékko muwanréi, assaleng bagiyanna iya kaminang makessingngé purani muwakkasuwiyangeng lao ri Puwangnge. Aja' mupanajisi'i pakkasuwiyang mapaccinna tau Israélié ri laleng muwanréna séuwa polé ri pakkasuwiyangngéro ri wettu dé'napa bagiyang iya kaminang makessingngé ripallaing untu' Puwangnge. Rékko muwajjalékkaiwi paréntaéro, matéko matu.

MATIUS 23:17

Iko sining tau donggo iya butaé! Kéga lebbi penting, ulawenna iyaré'ga Bolana Puwangngé iya pancajiyéngngi ulawengngéro mapaccing?

1 PETRUS 2:24

Kristus muto méssangngi dosa-dosata ri Aléna ri yasé'na aju sallié, kuwammengngi bébasa'i polé ri akuwasanna dosaé, sibawa tuwo manuru' élona Allataala. Lolona Kristus pajjappako.