ANGIMANGENG 21:10 - KITTA KAREBA MADECENG

¹⁰ Purani rilanti Imang Lompoé sibawa tirikiwi minnya upacara tompo ulunna sibawa papasangiwi pakéyang imang lompoé ri aléna. Rimakkuwannanaro dé' nawedding naleppessang gemme'na makota iyaré'ga sapé'ʻi pakéyanna selaku tanrang mabbarata.

ANGIMANGENG 21:10 交叉參考

KAJAJIYANG 37:34

Nasapé'ni pakéyanna Yakub nasaba messéi nanapaké pakéyang karung. Siyagangngaré essona nawatingi ana'naro.

2 SAMUEL 15:30

Purairo naludunni Daud sapatunna. Silaonni sininna tau maccowériyéngngi tuppuiwi Bulu-bulu Zaitun nanaterito sibawa nabombo ulunna tanrang mabbarata.

ESTER 6:12

Purairo lisuni Mordékhai ri pintu gerbanna saorajaé. Iyakiya Haman mapperi-perini lisu. Dé' namaélo riita ri tauwé nasaba masiri senna'i, nanasamponi rupanna.

AYUB 1:20

Natettonna Ayub nanasapé'i pakéyanna tanrang masara. Nacukkuru'ni gemme'na, nainappa suju'

MAZMUR 133:2

Iyaro padai minnya wangi mangke'é iya ritiri'é ri tompo ulunna Harun, nainappa nonno ri ellong wajunna.

ASSURENG 29:7

Nainappa muwala minnya upacaraé, tiri'i ri tompo ulunna sibawa minnyakiwi.

YEHEZKIEL 24:17

Aja' narapii tassénge-sénge'mu paéngkalinga. Aja' mujoppa teppaké pattutu ulu, iyaré'ga teppaké pallapi ajé, selaku tau iya mabbarataé. Aja'to mututu'i rupammu, sibawa aja' muwanré roti abbaratang.”

ANGIMANGENG 13:45

Séddié tau iya nakennaé lasa oli iya mabbahayaé, harusu'i paké pakéyang iya sapé-sapé'é sibawa leppessangngi gemme'na makota. Harusu'i natongko rupanna bagiyang yawaé sibawa gora-gora “Najisi'! Najisi'!”

ANGIMANGENG 16:32

Imang Lompo, iya puraé rilanti sibawa ripallaing untu' Allataala untu' sulléiwi ambo'na, harusu pogau'i upacara pappépaccingngéro. Harusu'i paké pakéyang ripattentué,

ANGIMANGENG 4:3

Rékko Imang Lompoé madosa, angkanna maccowé towi bangsa Israélié pasala, harusu'i makkasuwiyangeng sikaju saping lai malolo iya dé'é sala-salanna lao ri Puwangnge kuwammengngi nariyaddampengeng dosana.

ANGIMANGENG 8:12

Purairo rilanti'ni Harun ri Musa sibawa tirikiwi céddé minnya upacara ri yasé'na ulunna.

ABBILANGENG 35:25

Rapa'na umma'é harusu linrungiwi tau iya puraé pauno sibawa dé' nattungkaiwi polé ri ancamanna sumpulolona tau iya riyunoé. Iyaro tauwé harusu'i ritiwi lisu ri kota allinrungengngé, onronna lari. Harusu'i monro kuwaro narapi tau iya wettuéro mancaji Imang Lompo maténi; purapiro weddinni lisu ri kampong assalenna. Iyakiya rékko nasalaiwi kota allinrungengngé onronna lari, nariruntu sibawa riyuno ri sumpulolona tau iya riyunoé, iyaro pakkabale'é tenniya abbunowang.

MATIUS 26:65

Nasapé'-sapé'ni pakéyanna iyaro imang lompoé, nanakkeda, “Napakatunai Allataala! Dé'na naparelluki sabbi. Alémuna méngkalinga manengngi ada-ada iya pakatunaéngngi Allataala.