ANGIMANGENG 2:5 - KITTA KAREBA MADECENG

⁵ Rékko iyaro riyakkasuwiyangengngé roti iya ripanggangngé ri yasé'na appanggangengngé, iyaro rotié harusu'i riyébbu polé ri labbu manenné'é sibawa minnya zaitun, iyakiya dé' napaké ragi.

ANGIMANGENG 2:5 交叉參考

ANGIMANGENG 2:6

Roti iya riyakkasuwiyangengngéro harusu'i ripuwé'-puwé', nainappa ritiriki minnya zaitun.

ANGIMANGENG 6:21

Iyaro labbu'é harusu'i rikoré minnya, naritunu ri yasé'na appanggangengngé, nainappa ripuwé'-puwé' nariyakkasuwiyangeng selaku akkarobangeng inanré. Baunna iyaro akkarobangngé pésennangiwi atinna Puwangnge.

ANGIMANGENG 7:12

Rékko iyaro akkarobangngé riyakkasuwiyangengngi untu' mattarima kasi, nasibawang iyaro olokolo'é harusu' towi riyakkasuwiyangeng roti iya dé'é napaké ragi. Iyaro rotié wedding iya maompe'é polé ri lama labbu silaongngé minnya zaitun, wedditto roti rakko iya manipié iya risapuiyé sibawa minnya, iyaré'ga béppa labbu iya riyébbué silaong minnya zaitun.

ANGIMANGENG 7:9

Tungke' akkarobangeng ripatalaé iya ritunué ri laleng attunungngé iyaré'ga rinasu ri laleng pamuttué iyaré'ga iya ripanggangngé, mancajiwi bagiyanna imang iya makkasuwiyangengngéngngi.