ANGIMANGENG 19:27 - KITTA KAREBA MADECENG

²⁷ Aja' mugoncingngi gemme' ri benrénna ulummu iyaré'ga cukkuru'i janggo'mu.

ANGIMANGENG 19:27 交叉參考

1 TAWARIKH 19:4

Natikkengngi Arung Hanun iyaro sining surona Daud, nacukkuru'i janggo'na, narette'i pakéyanna gangka poncinna, nanasuroi mennang lao.

YESAYA 15:2

Natuppuini bulu-bulué pabbanuwana Dibon untu' teri ri onrong assompang déwata-déwataé. Nasibawang amesséng nawatingini pabbanuwana Moab kota Nébo sibawa Médéba. Nacukkuru'ni mennang ulunna sibawa janggo'na selaku tanrang masara.

YEREMIA 16:6

Tau sugié sibawa tau kasiyasié ri wanuwaéwé matéi matu na dé'gaga kuburu'i mennang. Dé' muwi séddi tau sissai aléna iyaré'ga kellui gemme'na selaku tanrang mabbarata untu' mennang.

YEREMIA 41:5

poléni aruwa pulona tau polé ri Sikhem, Silo, sibawa Samaria. Purani mennang nacukkuru janggo'na, sapé'i pakéyanna, sibawa cori-cori'i watakkaléna mennang. Tiwii mennang gandong sibawa kamennyang untu' nakkasuwiyangeng ri Bolana Puwangnge.

YEREMIA 48:37

Pura manenni mennang cukkuru'i gemme ulunna sibawa janggo'na, naloi taiyyana, sibawa paké kaing karung tanrang messé.

YEREMIA 9:25

Makkedai Puwangnge, “Narapii matu wettunna Uhukkungngi tau Maséré'é, Yéhuda, Edom, Amon, Moab, sibawa pabbanuwana padang kessi iya rette maponco'éngngi gemme'na. Risunna manengngi mennang pada-pada tau Israélié, iyakiya muwi mennang iyaré'ga bangsa Israélié kédoi papda-pada sining tau iya dé'é narisunna, nsaba dé' mennang naturusiwi assijancing iya napulambangngé iyaro sunna'é.”

YEHEZKIEL 44:20

Dé' nawedding sining imangngé kellui ulunna, iyaré'ga leppessangngi gemme'na malampé. Iyaro gemme'é harusu'i rirette ponco situru atoreng iya ripattette'é.

YEHEZKIEL 7:18

Pakéi matu mennang kaing karung sibawa ténré sibatangngi matu tubunna. Rikellui matu ulunna mennang sibawa ripakasiri.

ANGIMANGENG 19:28

Aja' mutoddo-toddo'i olimu untu' mébbu tanra-tanrang, iyaré'ga loi watakkalému selaku tanrang mabbarata nasaba engka tau maté. Iyya'na Puwang.

ANGIMANGENG 21:5

Séddié imang dé' nawedding kellui sibagiyang polé ri ulunna sibawa dé' nawedding nagoncing janggo'na iyaré'ga loi watakkaléna sibawa anu matareng untu' mappaitangngi makkedaé mabbaratai.

ULANGENG 14:1

“Iko iyanaritu umma'na Puwang Allataalamu. Jaji wettummu mabbarata untu' tau maté, aja' muloi alému iyaré'ga cukkuru'i bagiyang yolona ulummu pada-pada iya napogau'é bangsa-bangsa laingngé.