ANGIMANGENG 19:25 - KITTA KAREBA MADECENG

²⁵ Ri laleng taung malimaé nappako wedding manréi buwana. Rékko mupogau' manengngi sininna peraturangngéro, mabbuwai matu lebbi maéga pong buwa-buwamu. Iyya'na Puwang Allataalamu.

ANGIMANGENG 19:25 交叉參考

ANGIMANGENG 19:10

Aja' mulisu ri palla anggoro'mu untu' paddeppungengngi buwa-buwa anggoro iya musésaé puramuna maccéppu mammulangngé. Makkuwatoro buwa-buwana iya sempé'énna aja' muwalai. Leppessangngi iyaro untu' tau kasiyasié sibawa tau laingngé. Iyya'na Puwang Allataalamu.

ANGIMANGENG 19:24

Ri laleng taung maeppaé sininna buwana harusu'i riyakkasuwiyangeng untu' pannessai tarima kasi'mu lao ri Iyya, Puwang.

ANGIMANGENG 19:26

Aja' muwanré dara. Aja' mupakéi sining paddissengeng mappallajangngé.

ANGIMANGENG 19:3

Tungke' tau harusu'i pakalebbii indo' ambo'na sibawa ramé-raméiwi esso Saba'é pada-pada iya Uwapparéntangngé. Iyya'na Puwang Allataalamu.

ANGIMANGENG 19:4

Aja' musompa barahala. Aja' muwébbu dato'-dato' polé ri bessié sibawa sompai. Iyya'na Puwang Allataalamu.

ANGIMANGENG 23:14

Ri wettu dé'napa mutiwii iyaro pakkasuwiyangngé lao ri Puwangnge, dé' naweddikko manré muwi céddé polé ri gandong baruéro, muwi mamata, ripanggang iyaré'ga ritunu mancaji roti. Iyaro peraturangngé harusu'i naturusi sininna wija-wijammu untu' mannennungeng.