24 Ri laleng taung maeppaé sininna buwana harusu'i riyakkasuwiyangeng untu' pannessai tarima kasi'mu lao ri Iyya, Puwang.
Pakalebbii Puwangnge sibawa makkasuwiyangeng lao ri Aléna iya kaminang makessingngé polé ri sininna waramparammu sibawa wassélé tanamu,
Rékko muttama'no ri wanuwa Kanaan sibawa taneng maddupa-rupang pong buwa-buwa kuwaro, ri laleng telluttaung mammulangngé harusu'i muwangga harang buwa-buwana sibawa dé' nawedding muwanré.
Ri laleng taung malimaé nappako wedding manréi buwana. Rékko mupogau' manengngi sininna peraturangngéro, mabbuwai matu lebbi maéga pong buwa-buwamu. Iyya'na Puwang Allataalamu.
Wassélé mammulangngé polé ri gandongngé, uwai anggoro'é, minnya zaitungngé sibawa bulu bimbala'é, untu' attawannato mennang.
