ANGIMANGENG 17:12 - KITTA KAREBA MADECENG

¹² Iyanaro saba'na bangsa Israélié iyaré'ga tau laing iya mattette'é ri yelle'na mennang riyattéyangngi manré dara.

ANGIMANGENG 17:12 交叉參考

ASSURENG 12:49

Peraturang iya padaé takkenna towi untu' tau Israél tuléngngé sibawa tau laing iya mattette'énna ri yelle'mu.”

YEHEZKIEL 33:25

Rimakkuwannanaro Puwang Iya Pommatanré suroka palettu'i pasengngéwé lao ri mennang, “Muwanréi juku iya engkaé mupa darana; sompako barahala sibawa pogau' abbunowang. Barani tongekko mangaku iyaé tanaé selaku appunnangemmu.

ANGIMANGENG 17:11

Nyawana tungke'-tungke' anu mannyawaé engkai ri darana. Rimakkuwannanaro napparéntangngi Puwangnge kuwammengngi sininna daraé riyabbolorengngi ri yasé'na mézbaé kuwammengngi nariledda dosa-dosana umma'é. Daraé iyanaritu silaong nyawana, leddai dosaé.

ANGIMANGENG 17:13

Rékko séddié tau Israélié iyaré'ga séddié tau laing iya monro tette'é ri yelle'na bangsa Israélié tikkeng manu'-manu' iyaré'ga olokolo laing iya dé'é naharang, harusu'i napassu darana iyaro olokolo'é sibawa témpungiwi tana.

ANGIMANGENG 3:17

Tau Israélié dé' sises-siseng nawedding manré lunra iyaré'ga dara. Iyaro peraturangngé untu' mannennungeng sibawa harusu'i naturusi tungke' tau Israélié kégi-kégi monro.