ANGIMANGENG 16:20 - KITTA KAREBA MADECENG

²⁰ Puranana napakangka upacara pappépaccinna Bili' Pommapaccingngé sibawa bagiyab-bagiyang laingngé polé ri Kémana Puwangnge enrengngé mézbana, harusu'i Harun makkasuwiyang lao ri Puwangnge bémbé tuwoé iya ripilé untu' Azazél.

ANGIMANGENG 16:20 交叉參考

YEHEZKIEL 45:20

Ebbu towi makkuwaro ri tanggala pitunna ulengngéro, untu' tungke tau iya puraé madosa sibawa dé' nattungkaiwi iyaré'ga nasaba dé' naissengngi. Nasibawang caraéro mujagaiwi matu apaccingenna Bola-Ku.

ANGIMANGENG 16:16

Nasibawang caraéro napaccingiwi Bili' Pommapaccingngé polé ri anajisikenna bangsa Israélié sibawa polé ri sininna dosana mennang. Harusu'i ripaccingi Kémana Puwangnge nasaba engkai ri tengnga-tengngana akkémanna bangsa Israélié nanakennai anajisikenna mennang.

ANGIMANGENG 16:19

Nasibawang jarinna harusu'i makkeppikengngi céddé iyaro wékkapitu ri yasé'na mézbaé. Nasibawang caraéro napaccingiwi mézbaé polé ri anajisikenna bangsa Israélié, kuwammengngi namancaji mapaccing.

ANGIMANGENG 16:21

Harusu'i napalénne iya duwa limanna ri yasé'na ulunna bémbé'éro nanaakuiwi sininna asalanna, dosana sibawa pelanggaranna bangsa Israélié. Nanallalengiwi sininna asalanna bangsa Israélié ripalétté'i ri yasé'na ulunna bémbé'éro. Nainappa séddié tau iya ritugaskangngé harusu'i rukkai iyaro bémbé'é lao ri padang kessi'é.

ANGIMANGENG 6:30

Olokolo untu' upacara paddampengeng dosaé iya riyalaé sibagiyang darana untu' ritiwi ri Bili' Mapaccingngé, harusu'i ritunu gangka cappu sibawa dé' nawedding riyanré.

ANGIMANGENG 8:15

Nainappa nagéré Musa sibawa malai sibagiyang darana. Iyaro daraé nassapuwangngi sibawa jarinna ri tanru-tanru mézbaé, kuwammengngi iyaro mézbaé naripallaing untu' Allataala. Dara iya nasésaé riyabbolorengngi ri pabborina mézbaé. Makkuwaniro carana iyaro mézbaé ripépaccingi sibawa ripallaing untu' Puwangnge.

ROMA 4:25

Iyaro Yésus purani riyabbéréyang untu' riyuno nasaba dosa-dosata; nainappa napatuwo paimeng Allataala untu' nallalengiki simadécéngeng paimeng sibawa Allataala.

ROMA 8:34

Engkaga tau maélo pasalaki? Kristus Yésus matti bélaki! Aléna ritu iya puraé maté, iyaré'ga mala Aléna ritu iya puraé ripatuwo paimeng polé ri amaténgngé sibawa engkani ri Allataala ri onrong iya makuwasaé.

2 KORINTUS 5:19

Birittatta iyanaritu makkedaé nasibawang pappasisumpunna naolai Kristus, naébbui Allataala tolinoé simadécéngeng paimeng sibawa Aléna. Napogau'i Allataala iyaro sibawa tennatuntu sining asalang iya puraé napogau' tolinoé lao ri Aléna. Pura risuroni ri Allataala untu' mabbirittangngi iyaro karébaé.

KOLOSE 1:20

Sibawa naola towi iyaro Ana'é Allataala pettuiwi sininna séuwa-séuwaé nasimadécéngeng paimeng sibawa Aléna – muwi iya engkaé ri linoé iyaré'ga iya engkaé ri surugaé. Napogau'i Allataala iyaro naolai amaténna Ana'-Na ri aju sallié.

IBRANI 7:25

Rimakkuwannanaro lettu mannennungeng naulléi Yésus passalama'i sining tau iya laowé ri Allataala naolai Aléna, saba' tuwoi mannennungeng untu' méllauwi ri Allataala untu' sining tauwéro.

WAHYU 1:18

Iyya'na ritu Aléna iya tuwoé! Purana maté, iyakiya itani, tuwo-Ka untu' mannennungeng. Ukuwasaiwi amaténgngé, sibawa ri linona sining tau maté.