ANGIMANGENG 14:4 - KITTA KAREBA MADECENG

⁴ imangngé suroi tiwi duwakkaju manu'-manu' tuwo iya dé'é naharang, silaong silétta aju camara, silaci tulu cella sibawa sitakké hisop.

ANGIMANGENG 14:4 交叉參考

MAZMUR 51:7

Sitongenna, majaka sipongenna rijajiyang, sibawa nakenna dosa sipongenna ri parémmanangngé.

ASSURENG 12:22

Alano sisiyo hisop, tellerengngi ri laleng katowang iya mallise'é dara bimbala'ro, nainappa muwassapuwang ri iya duwa alliri tange'mu sibawa ri yasé'na sumpang bolamu. Aja' naengka salaiwi bolaé narapi élé.

ANGIMANGENG 1:14

Rékko iya nakkasuwiyangengngé sikajuwi manu'-manu', harusu'i iyaro manu'-manu'é bekku iyaré'ga jangang-jangang maloloé.

ANGIMANGENG 12:8

Rékko iyaro makkunraié dé' naulléi passadiya sikaju ana' bimbala, harusu'i tiwi duwak-kaju jangang-jangang lolo iyaré'ga bekku lolo: sikaju untu' akkarobang ritunu sibawa sikaju untu' akkarobang paddampengeng dosa. Harusu'i imangngé napogau' upacaraé untu' leddai anajisikenna iyaro makkunraié, namancaji mapaccing.

ANGIMANGENG 14:5

Manu'-manu' iya sikajué harusu'i rigéré ri yasé'na oring tana iya mallise'é uwai mapaccing polé ri mata uwai.

ANGIMANGENG 14:6

Manu'-manu' iya sikajuéssi sibawa aju camaraé, tulu cella sibawa hisop sitakké harusu'i ritellengeng ri laleng dara manu'-manu' iya puraé rigéré.

ANGIMANGENG 5:7

Iyakiya rékko tau iya pasalaé dé' namampu passadiya bimbala iyaré'ga bémbé untu' mpajai dosana, harusu'i tiwi sipasang bekku iyaré'ga jangang-jangang lolo, sikaju untu' akkarobangeng paddampengeng dosa, sibawa sikaju untu' akkarobangeng ritunu.

ABBILANGENG 19:18

Ri laleng passaleng mammulangngé, iyanaritu rékko engka tau maté ri laleng kémaé, tau iya dé'é nanajisi' harusu'i mala sitakké hisop, natellengengngi ri laleng uwaiéro, nainappa meppikiwi iyaro kémaé sibawa sininna séuwa-séuwaé iya engkaé ri lalenna, makkuwatoro sining tau iya engkaé kuwaro. Ri laleng passaleng maduwaé, iyanaritu rékko séddié tau nakenna uju, tampung iyaré'ga buku tau maté, tau iya dé'é nanajisi' harusu'i meppikiwi tau iya najisi'éro sibawa cara iya padaétto.

ABBILANGENG 19:6

Nainappa harusu'i imangngé mala céddé aju aras, sitakké hisop sibawa silaci tulu cella, nanaggenrungengngi ri laleng api riyattunuiyé saping cella'ro.

IBRANI 9:19

Bunge'-bunge'na napalettu'i Musa sininna paréntana hukkunna Allataala lao ri bangsa Israélié. Purairo malani Musa dara ana' saping sibawa dara bémbé lai, nainappa nacampuru'i sibawa uwai, nainappa naeppikeng Kitta' Hukkung-hukkunna Allataala sibawa ri sininna bangsa Israélié sibawa paké wella hisop sibawa bulu-bulu bimbala' macella cowaé.