Wafilipi 2:2 - Lagano da Sambi kwa Wanhu Wose

² maabaho dimemezeni deng'ho jangu kwa kuwa na magesa yamwe, ulondo umwe, na moyo umwe na muhe umwe.

Biblia Ching'hwele

² maabaho dimemezeni deng'ho jangu kwa kuwa na magesa yamwe, ulondo umwe, na moyo umwe na muhe umwe.

Wafilipi 2:2 交叉參考

Yohana 3:29

Yeli na msoligwa niiyo msola. Mbwiya wa mulume yosola yokwima na kugozela, nayo kodeng'helela nani yahahulika dizi da mulume yosola. Sambi na niye nodeng'helela, na ndeng'helelo yangu itimia.

Sang'hano 1:14

Wawo wose wagendelela kuiting'hana hamwe kutosa hamwe na wanaake waja na Maliya, mami yake Yesu, na wadodo zake Yesu wa chilume.

Sang'hano 2:1

Isiku ya Pentekosite vidifikile, wahuwila wose wakala waiting'hana hanhu hamwe.

Sang'hano 2:46

Chila siku kwa moyo umwe wagendelela kuiting'hana hamwe muna Ikaye ya Mulungu, waja ndiya hamwe muna zikaye zawo na wadeng'helela ndiya ya Mndewa.

Sang'hano 5:12

Vilaguso va mauzauza vingi na mawewedeko vitendigwa na watumigwa kwa wanhu. Wahuwila wose waiting'hana muna Uluhelengo lwa Solomoni.

Waloma 12:16

Mukale na kwiilumba vinogile mweye kwa mweye. Sekemuilondele makulu, wasang'hanileni wanhu wadododo na ngayengaye. Sekemuiwone mweye muna ubala ng'hani.

1 Wakolimso 1:10

Kwa udaho wa Mndewa wetu Yesu Chilisito nomwing'hani usi ndugu zangu, kuwa wose mulonge zimwe na wala sekemuiswele na mugese dimwe na muwe na lungilo dimwe.

2 Wakolimso 13:11

Na sambi ndugu zangu nohita! Muwe wanogile kwa chila mbuli, iviya yamhiseni ulonzi wangu na mudahe kuwa na magesa yamwe, na mukale kwa tindiwalo. Na Mulungu wa ulondo na tindiwalo, kezakuwa hamwe na mweye.

2 Wakolimso 2:3

Lekamana niwandikila mweye usenga uwo, kuwa naheza sekenigumwe luholozi na iwaja wolondeka kunisamhusa. Novimanya kuwa niye nahadeng'helela na mweye mose iviya modeng'helela.

2 Wakolimso 7:7

Siyo kwa kwiza kwa Tito muhala, mbali iviya kwa ichimu cha moyo womumwing'hile mweye. Yeye kachilongela viya vimulonda ng'hani kuniwona, viya vimuli na usungu, vomulonda kunigombela. Mbuli ino yonitenda nideng'helele ng'hani.

Wafilipi 1:4

Siku zose nowatambikilani mweye mose kwa Mulungu na notambika kwa deng'ho

Wafilipi 2:16

Muhamha mbuli yoigala ugima, nidahe kuwona kupata chinhu cha kuigodela muna Dizuwa dondayabwele Chilisito, kwaviya izawoneka funhu funhu kuiyoha kwangu na sang'hano yangu hayagile bule!

Wafilipi 2:20

Nabule munhu imwenga fana yeye yoyowasang'hanileni kwa ulondo.

Wafilipi 4:2

Nowalamba Eudiyo na Simtike wawe na lungilo diya diya mwa Mndewa.

Wakolosai 2:5

Kwaviya one ihawa lukuli lwangu haluli baha mbali muhe wangu wa hamwe na mweye, nodeng'helela kuwona vomukala vinogile na kwima chigangamavu muna uhuwilo mgati mwa Chilisito.

2 Wasesalonike 2:13

Chilondeka kumwing'ha hewela Mulungu siku zose kwa ichimu chenu, ndugu womunogeligwa na Mndewa. Kwaviya Mulungu kawasagula wa mwanduso mukomboligwe kwa udaho wa Muhe na kumtendani wanhu wa Mulungu kwaviya mupate kukomoligwa kwa kusafya kwa kuhuwila mbuli za kweli.

2 Timoseyo 1:4

Nokumbuka masozi yako na nolonda ng'hani kukuwona muladi nideng'helele ng'hani.

Filimoni 1:20

Ivo weye ndugu yangu, mhate yanogile kumwako mwa Mndewa, unisangalaze moyo wangu kwa kuilumba na Chilisito.

2 Yohana 1:4

Nideng'helela ng'hani kuwona kuwa wanago wamwenga wokala muna ikweli, fana viya Tata viyachilagilize.

3 Yohana 1:4

Habule chinhu cha kunitenda nideng'helele kufosa kuhulika kuwa wanangu wokala muna ikweli.