3 ကိုယ်တော်ကား အန်တာတ်တေ "ဟနိမ်ယောက်ဟမာန်ကဆဲ အလာရာန်ဆာ။ "တောင်မွေး၊ ခရီးဟာဘင်းဒလေ့စ်၊ ယုတ်တင်အူဒင်တေ၊ ဖူး၊ ဆာန်ဆုန်အပိုတေဒေ အလာရာန်ဆာ။
စီးမှါခ့်ခါ ကိုယ်တော်ယေရှုကား တပယ်တော်တာတ်တေ "အမှာတွာတ် ဟနိမ်တေ ငါငှေါကာတ်ပင်းနာကား၊ ဟနိမ်အဆာတ်စားထှာကူဘင်းအတွာတ် ယုတ်ထှာကူ၊ ဟမာန်တေ နိတ်ထှာကူငှေါဘင်းတေ ကားဘန်းအနင်းကြီးဆာ။
အို ယုံကြည်သလားစစ်ပင်းဆိတ်တာတ်၊ ဘုရားရှာန်ကား မာန်းရာတ်ရီး အစစ်ဆာ၌ဆာစားဘန်း နောက်မာန်းရာတ်ပေ ဝါမ်နောင်းဘေ တက်ခံသထှာကူဘင်း ပုတ်ခါးပပါးတေဒေဆဲ ကတန်စိန်းတင် ဖန်းဆင်းသအီဘန်းကား ဟနိမ်တေကား ပိုသောဖန်ဆင်းသအီကူအချီနော်။
စီးမှါခ့်ခါ ကိုယ်တော်ကား တပယ့်တော်တာတ်တေ "ငါကား ဟနိမ်တေ ဖူး၊ ရှီထောင်းယောက် ဟက်တင်းတေဒေ အလာစိန်းညယ်း တာတ်နီမှါခ့်ခါ ဟနိမ်ဘေ စယ်ယာ့ စယ်ယာ လိုသမှာညယ်ငှါရီးလဲ" ညယ်စိန်ယူဘန်းကား တပယ့်တော်တာတ်ကား "အဘိုရီရား" ညယ်လျှောက်တာန်သကြီးမှာ။
ယောဟန်ကား "ဟနိမ်နောင်းဟက် ဆာန်ဆုံကလိန်းတူးငှါဘင်းဆိတ်ကား အဘိုဘင်းဆိတ်တေ တူဝါကားအီသင့်သမှာ။ ဟနိမ်ဘေ ယုတ်တင်အူဒင်ငှါဘန်းကား အဘိုဘင်းဆိတ်တာတ်နင်း မံအီထှာကူ" ညယ်ပြန်သဘန်းငှေါမှာ။
စီးမှါခ့်ခါ လေဝိကား အကြီးကျယ်ခန်းနားသဘင်း ယုတ်ပင်းအူဘင်းပွဲတေ ဟိန်ကျေမ်းဘေ ကိုယ်တော်ယောက် တပယ့်တာတ်တေ ဧည့်ခံသမှာ။ တခြားဘင်း အခွန်ကွန်ဘင်း သမီဆာတေယောက် နန်တေရီဒါး ယုတ်ပင်းအူဘင်းပွဲဘေ ထုတ်ကြီးရီမှာ။
ဟနိမ်တေကြိုဆိုသဘင်းဟာဘင်းကျေမ်းဘေစဲဒါး အန်ဘင်းမြို့ဟက်အပူမချမ်း အန်ဘင်းကျေမ်းဘေ တည်းသကြီး။
