12 မြို့တံခါးဝပိုက်ပေ ထုတ်မှါခ့်ခါ ရှီးနင်းဘင်းဆိတ်ဟော်ဝါအလောင်းတေ နွောပ်ကူညယ် သမီဆာစယ်ယာကား အလောင်းစါန်တေဖဲဘန်း မြို့ပြာန်ပါ လာပူကြီးရီမှာ။ ရှီးနင်းဘင်းဆိတ်ကား မုဆိုးမဟော်ဝါဘင်း ဟော်ဝါဆာဘင်းဆာထှာဘန်း မြို့ဘင်းဆိတ်တာတ်ရီးဒါး ဟိန်ယောက်အတူတူ ဆာတ်ကြီးရီမှာ။
နောက်မာန်းရာတ်မှါခ့်ခါ ကိုယ်တော်ကား ဟိန်တပယ့်တော်တာတ်ယောက် နာဣနညယ်ကော်ဘင်းမြို့ပါ ကြွတာန်မှါခ့်ခါ သမီဆာကလောင်းတုံန်းရီးဒါး ဒီယာတ်ကြီးမှာ။
ကိုယ်တော်ကား အန်ဘင်းအီးရှီဒေ ကတုံန်မှါခ့်ခါ ဟိန်တေ အကြီးကျယ်အစံဘန်းနာ "အဟပ်ဆာ"ညယ် မိန့်သမှာ။
ဟမာန်တွာတ်ငှေါဘန်းသာငှေါ ရှစ်နူပန်းကလိမ်းပီးအရွယ် ဟော်ဝါဆာငှါဘင်း ဟိန် ဆအိတ်ကား ရှီးကူနိမ် ငှါနင်းဘင်းအတွာတ်ထှာမှာ။ အန်ဘင်းကျေမ်းပါ ကြွတော်မူသမှါခ့်ခါ သမီဆာကလောင်းတုံန်းရီးဒါး ကိုယ်တော်တေ ဝိုင်းသဘန်း ဒီရာတ်ကြီးမှာ။
သမီဆာ၌တိုင်းကား အန်ဘင်းအီးရှီရှာ ရှီးရာန်ဘင်းအတွာတ် အကြီးကျယ်ဟပ်ပန်းနင်းကြီးမှာ။ အာနိမ်စါန်ငှေါဒီ ကိုယ်တော်ကား "အဘင်းရှာဆာကား အရှီးနွန်း။ ဟိန်အေ့ပ်နင်းလားထှာမှာ" ညယ်မိန့်တော်မူသမှါခ့်ခါ
