9 စီးမှါခ့်ခါ ကိုယ်တော်ယေရှုကား "ဟနိမ်တေ ငါစားနူစိန်ယူကူ။ အနိမ် ဥပုသ်မာန်းရာတ်ပေ မဲဘင်းနာတေအွန်သင့်သောလဲ၊ အမဲဘင်းတေ အွန်သင့်သောလဲး အာနိမ်အချီ ဟော်ဝါ ဟော်ဝါဘင်း အဆာတ်တေ ကယ်တာန်သကလဲ၊ သာန်းရှီးထှာကလဲ" ညယ်စိန်ယူစီးမှါခ့်ခါ
ဖာရိရှဲတာတ်ယောက် ကျမ်းပေါ့ပင်းအိုးဆကြီးတာတ်တေ ကိုယ်တော်ကား "ဥပုသ်မာန်းရာတ်ပေ ကမာရောဂါတေဒေ ကုသအီဘင်းနာကား ပညတ်တော်ယောက် ညီသလဲ၊ အညီသရားရယ်" ညယ်စိန်ယူမှာ။
ဟိန်ပိုက်ပင်း သမီဆတာတ်တေ ယူဘန်း ညာပါဘင်းသဟူးရှီးနင်းဘင်းဆိတ်တေ "နာန်ဘင်းသဟူးဒေ ဖြန့်တာန်စမ်း" ညယ်မိန့်သမှါခ့်ခါ အန်ဘင်းဆိတ်ရီးဒါး သဟူးတေဆန့်တာန်မှါခ့်ခါ ဟိန်သဟူးကား မလဲအတိုင်းထှာဟာန်းရာန်မှာ။
အန်နိမ်စါန်းငှေါဒီ အန်တာတ် ဟာနိမ်တွေးသဘန်းနင်းဘင်းနာတေ မိန်းရှာတ်ခါဘင်းအတွာတ် ကိုယ်တော်ယေရှုကား အန်ဘင်းညာပါဘင်း သဟူးရှီးနင်းဘင်းဆိတ်တေ "သမီဆတာတ်မန်းဘေ ရဲဘန်းစပ်နာန်" ညယ်မိန့်တော်မူသမှါခ့်ခါ အန်ဘင်းဆိတ်ကား ရဲဘန်း စပ်နာန်မှာ။
အန်တာတ်အားလုံးကား တခြားထိန်ထိန်းနူပါ လာန်ပဲကြီးမှာ။
