21 ဘုရားရှာန်ကား ယုတ်ခေါ့ပ်နင်းဘင်းဆိတ်တာတ်တေ ကောင်းကျိုးမာန်းဂလာ အဖြာဖြာယောက် ပြေ့စုံသစိန်းဘန်း ယုတ်တင်အူဒင်တေ ဖိန်းစိန်းကူ။ ဘုရားရှာန်ကား ဟပ်ပန်းနင်းကြီးဘင်းဆိတ်တာတ်တေ နီးစိန်းကူ။
ဘုရားရှာန်ကား ယုတ်တင်အဘိုဟွန် ယုတ်ခေါ့ပ်နင်းဘင်းသမီဆာတာတ်တေဒေ မဲဘင်းတေဒေအီဘန်း ဆွာမ်းဘင်း ဆိတ်တာတ်တေဒေ ဟမာန်ကဆဲ အအီညယ် တာတ်ခါန်းမှာ။
စီးမှါခ့်ခါ ကိုယ်တော်ကား ဟိန်တပယ့်တော်တာတ်ပါ မန်းဘန်း အန်တာတ်တေ "ဘုရားရှာန်ကား ဆာန်းရဲသဘင်းဆိတ်တာတ်တေ ကောင်းကျိုးချမ်းသာ အဖြာဖြာတေ လူစိန်းကူ။ ဘုရားရှာန်ဘင်း သာသနာတော်ကား အန်တာတ်အတွာတ် ထှာမှာ။
သမီဆာဆားတော်ငှေါဘင်းတေ သက်ကြီးဘင်းအတွာတ် သမီဆတာတ်ယူနီဘင်းတေ ခံသထှာဘင်းဆိတ်တာတ်၊ အပယ်ခံသထှာဘင်းဆိတ်တာတ်၊ နှိပ်စါတ်သလား ခံသထှာဘင်း ဆိတ်တာတ်ယောက် ရိုင်းရိုင်းကားကား ငှေါခံသထှာဘင်းဆိတ်တာတ်တေ ဘုရားရှာန်ကား ကောင်းကျိုးချမ်းသာအဖြာဖြာယောက် ပြေ့စုံသစိန်းကူ။
အရာတ် မလဲယုတ်ပန်း နင်းလူကြီးဘင်းဆိတ်တာတ်ကား အကြီးကျယ်ယုတ်ခေါပ့်ပင်းဒုက္ခတေ ကြုံဒီထှာကူ။ အရာတ် နီးဘန်းနင်ဘင်းဆိတ်တာတ်ကား အဆင်တေကားကြီးထှာဘန်း ဟပ်ကြီးထှာကူ။
