17 စီးမှါခ့်ခါ ကိုယ်တော်ကား တပယ့်တော်တာတ်ယောက်အတူ ကယာစေါက်ဟက် ကြွဒီဘန်း ဆပ်နီမှာ။ အန်ဘင်းနေရာဘေ တပယ့်တော်တေကလောင်းတုံန်းယောက် ယုဒပြေ၊ ဂျေရုဆလင်၊ ဇိဒုန်ယောက် တုရုဒေသကမ်းပါး တစ်ရိုးလုံးဘေ ငှါဘင်းမြို့ တေဟက် သမီဆာ ကလောင်းတုံန်းတာတ်ရီးဒါး ထုတ်ကြီးရီမှာ။
အန်နိမ်စါန်းငှေါဒီ ကိုယ်တော်ယေရှု ဆတာန်းကား နေရာအနှံ့ပျံ့သလာန်ဘဲဘန်း သမီဆာကလောင်းတုံန်းရီဒါး ကိုယ်တော်ဘင်း ဆွောန်သကာ ဟောသကာဘင်းတေဒေ သက်တင်အတွာတ်ယောက်၊ အနင်းမဲဘင်းနာတေ ကယာစိန်းတင် စုသကြီးရီမှာ။
ရအာမှါခ့်ခါ ကိုယ်တော်ယေရှုကား ကယာစောက်ပါလာန်ဘန်း နာတ်ကျယ် ကျယ်ရာလုံး ဘုရားရှာန်ဘေ ဝိုင်သဘန်းဆုစိန်မှာ။
ယာကုပ်ဆာ ယုဒယောက် အနားမန်းပါကိုယ်တော်တေ သစ္စာဖောက်သကူဘင်း ယုဒရှာကာရုတ်တာတ် ထှာကြီးမှာ၊၊
အန်တာတ်ကား ကိုယ်တော်ယေရှု ဟောသကာဘင်းတေဒေ သက်ပန်း ကိုယ်ဘင်းကမာရောဂါတေဒေ ကယာစိန်းဒင်အတွာတ် ဒီကြီးမှာ။ အမဲနနူ ကပ်ခံသထှာဘင်း ဆိတ်တာတ်ရီးဒါး မလဲကလဲ ထှာဟာန်းကြီးရီမှာ။
