15 အန်နိမ်စါန်းငှေါဒီ ဟိန်ကား ရှာန်းပလာန်အနေယောက် မြှောက်စားသစီးမှါခ့်ခါ ဟိန်နိုင်ငံပါ ရှာန်းပလာန်နယား အနေယောက် ဒီဟာန်းမှာ။ စီးမှါခ့်ခါ ဟိန်ဖူးအီပဘဲဘင်း အစေခံတေဒေ စီးပွားသန်ဘန်း အမြတ်ဟာနယ် ဟယ်ရီမှာငှေါဘင်းနာတေ မိန်းရှာတ်ခါကာတ်ခွန် အန်တာတ်တေ ကော်စိန်းယုတ်ပန်း
အာနိမ်စါန်းငှေါဒီ ကျင်းဆိတ်အလိုက်တေ အမိန်းရှတ်ခါဟွန် အပြစ်အွန်ပတ်ပင်းဆိတ်ကား စစ်ဆာ၌ဆာအပြစ်အီလားခံသထှာကလား။ ဆုတေကလောင်းတုံန်း လူဘင်းဆိတ်ကား တာဝန်တေပိုသောငှါကူ။ စီးဘန်းရီဒါး ယုံကြည်သလား ကလောင်းတုံန်း လူပဲဘင်းဆိတ်ကား ပိုသဘန်း စိန်လားခံသထှာကူ။
အန်ဘင်းတိုင်းပြေဟက် သမီဆတာတ်ကား အန်ဘင်းအိမ်ရှေ့မာန်းဆားတေ ရှာန်းပလာန်အထှာစိန်းကာတ်ပင်းအတွာတ် ဆတာန်းအီဘင်း တပ်သားတေ တာပ်ပန်း 'အဘင်းဆိတ်တေ ရှာန်းပလာန်ညယ် အလိုသဝါး" ညယ်ဧကရာဇ်ပါ လျှောက်တာန်သစိန်းမှာ။
ပထမအစေခံဟော်ဝါကား 'အရှာန်အီရီဘင်း ဖူးတစ်မိနာ့တေ ငါကားအမြတ်ရှစ်နူလူကွန်း အွန်ပဲမှာ' ညယ်လျှောက်တာန်သမှာ။
