26 နောဧလာတ်ထာတ်မှါခ့်ခါ ထှာရီနိမ် သမီဆာဆားတော် ကြွဒီမှါခ့်ခါရီး အာနိမ်ထှာရီကူ။
ပန်းနူ ကိုယ်တော်ကား တပယ့်တာတ်တေ "ဟနိမ်ကား သမီဆာဆားတော်ငှါဘင်း မာန်းရာတ်တေနောင်းဟက် မာန်းရာတ်ရအာတေဆဲ ကတုံန်ကာတ်သည်ဒါး ကတုံန်လူကလားအချီရား။
သမီဆာဆားတော် ထုတ်ရီမှားမာန်းရာတ်ကား လျှပ်စီးလျက်သောဘန်း ဟမုခ်ဟူအာလုံးယားနိမ် အနားပယ်အာထုတ်ကွန်း ယားဘန်းနင်းကူ။
ဝဲလွောန်ဒီကဘန်းဟွန် နောဧကား ဆာန်းဖေါနောင်းဘေဆာန်ဘန်း နင်းဘင်းမာန်းရာတ်ထုတ်ကွန်း သမီဆာတာတ်ကား ယုတ်အန်၊ အူရာန်၊ မာန်းဂလာအွန်နာန် အွန်နေကျအတိုင်း နင်းနီဘင်းအတွာတ် ဝဲလွမ်းသဘင်းတေ ခံသထှာဘန်း အန်တာတ်ဆွန်ကွန်း ဖြတ်ဆီးသလားခံသထှာမှာ။
နာန်အစေခံကား လပါးထွန်၊ သိုးပူဘင်းဟက် ဒီဟာန်းမှါခ့်ခါ နာန်ကား ဟိန်တေ 'ကြိုဆိုသမှာ၊ ကျေမ်းနောင်းပါဆာန်ဘန်း ယုတ်အီ' ညယ်ငှေါကလဲ ။
ဟနိမ်တေ ငါငှေါကူ၊ ဘုရားရှာန်ကား အန်တာတ် စိန်ဘင်းမှန်သမျှတေ မြန်မြန်ငှေါနိမ် ဖြည့်ဆည်းသအီကူ။ အာနိမ်စါန်းငှေါဒီ ကမ္ဘာစောက်ပေ သမီဆာဆားတော် ပြန်သဘန်းကြွဒီမား အချိန်မှါခ့်ခါ ယုံကြည်သဘင်းဆိတ်တာတ်တေဒေ ကတုံန်လူကူသမား" ညယ်မိန့်တော်မူသမှာ။
