17 ကိုယ်တော်ငှေါဘင်းနာကား ရန်အွန်နင်းဘင်းဆိတ်တေ မန်းကတန်စိန်းဘန်း တခြားသမီဆာတာတ်ကား ကိုယ်တော်အွန်အီရီဘင်း ထူးဆန်းအံ့ဩသထာတ်တေဒေ မွန်းပန်းနင်းကြီးမှာ။
အန်နိမ်စါန်းငှေါဒီ အန်ဘင်းဆိတ်တာတ်ကား ဟမာန်ကစဲ ပြန်သောအငှေါဟာန်းရန်နား။
ဟိန်ကား ချတ်ချန်းငှေါနိမ် မိတ်တူရှီကတုံန်ဟာန်းဘန်း ဘုရားရှာန်ဘင်း ဂုဏ်တော်တေဒေ ချီးမွမ်းသဘန်း ကိုယ်တော်ယေရှု ဟလိန်းပါ လာန်ငါတ်ပဲမှာ။ အန်ဘင်းအဖြစ်အပျက်တေဒေ ကတုံန်ဘင်း သမီဆတာတ်ရီးဒါး ဘုရားရှာန်ဘင်း ဂုဏ်တော်တေဒေ ချီးမွမ်းသကြီးမှာ။
သမီဆတာတ်ကား ကိုယ်တော်ယေရှုဘင်း ဟောသကာဘင်းနာတေဒေ သက်ကာတ်ခွန် အနီးကပ်နင်းကြီးဘင်းအတွာတ် အန်တာတ်ကား ကိုယ်တော်တေ သာန်းရှီးဒင် နည်းလမ်းတေ ကြံစည်သလားအလူ ငှါနင်းကြီးမှာ။
အန်၌မှါခ့်ခါဟက်စသဘန်း ဟာဟမဲစဲ ကိုယ်တော်တေ အန်နိမ်ညယ် ဖန်တီးသဘန်း မေးခွန်းအစိန်ယူကြီးစါတ်ပန်း။
