Nipaakammu 7:11 - Na Ukud Apudyus

¹¹ Sachi ad na losani aangheles, naag-agsadcha linìwos na tumutùchuy Ali ya chachi mangipangpangu ya chachi opati isù aangheles, ad nampalintumongcha losan wi manayaw akon Apudyus,

Nipaakammu 7:11 交叉參考

Nipaakammu 4:10

mampalintumong na chachi chuwampuru ya opati mangipangpangu ta sangwanan na sachi tumutùchu ta manayawanchan siyay natatakù ing-ingkana. Ad inigkachan koronacha ta sangwanana, ad ananchay mangkankanta,

Nipaakammu 4:6

Ad na sangwanan akon sachi tummutùchuwana, iningkaw na lin-ongan wi fayfay wi isù mail-an na sarming. Ad iningkaw akon nampalìwos ta tummutùchuwan Ali wi opati parsuwa wi losan atan ochogcha ya uray akon fuwwangancha.

Nipaakammu 11:16

Ad na chachi chuwampuru ya opati mangipangpangu wi tumutùchu ta sangwanan Apudyus, nampalintumongcha losan wi manaychayaw an siya,

Nipaakammu 4:4

Ad iningkaw akon chuwampuru ya opati aachuyani nampalìwos ta sachi osay parangka wi tummutùchuwan na chuwampuru ya opati mangipangpangu. Ad nasilupanchà mamputilà ya nakoronaanchà falituk.

Hebreo 1:6

Ngim chanchani pun na mangipaaliyan Apudyus ta Anànay machaychayaw ta lufung, imfakana kon mipangkop ta Anàna, “Losani aangheles Apudyus, masapur mampalintumongchan siya.”

Juan 5:23

ta chayawon losan na takù saon wi isun na manayawanchan Ama. Siyan sinumani achi pu manayaw an saon, foon pu kò chayawonà Ama wi nangifaun an saon.

Mateo 4:10

Ad summongfat à Jesus anani, “Lumayaw-a Satan! Tan na niyug-is wi ukud Apudyus, anana, ‘Maid uchum à chayawonyu nu achi afus na Apuyu wi Apudyus, ya afus akò siyà patkonyu!’”

Nipaakammu 22:9

Ngim ingkimaunà saon, anana, “Achim amasnaton, tan osaà akoy mansilfin Apudyus wi isun sia ya chachi koy fufurunnuy profetas ya uray losani mamtog ta niyug-is ta annay nibru. Siyan à Apudyus na afusi chayawom!”

Nipaakammu 15:4

Maid pu achi umogyat an sia ta sana, Apu! Ya maid pu ko achi mangipudnu ta kinangatum, tan maid pu miyisuwan na kinafarum. Siyan na losani taku ta arutaruta, umalicha losan wi manaychayaw an sia tan naawatancha losan wi ustuustun losani oy-oyyoom.”

Nipaakammu 4:8

Ad losan chachi opat, sin-onnom na payàcha wi losan ako ata, ya uray na long-agcha. Ad padchaoncha ya lafiyoncha mangkantakanta wi maid pu umillongan na kankantacha wi anancha, “Maid pu miyisuwan na kinafarun na Aputauy Apudyus wi Mannakafalin, tan siyan afaruwan. À siya, iniingkaw ta lugrukin na asinchuwan, ya awad ako ta sana, ya iingkaw akò ing-ingkana.”