Maid pu achi umogyat an sia ta sana, Apu! Ya maid pu ko achi mangipudnu ta kinangatum, tan maid pu miyisuwan na kinafarum. Siyan na losani taku ta arutaruta, umalicha losan wi manaychayaw an sia tan naawatancha losan wi ustuustun losani oy-oyyoom.”
Achiayu ko miyamfuruy ta oy-oyyoon chachi takuy foon pù mamatin Apudyus, wi maid silfin na oy-oyyooncha, tan siya oyyoonyun ustu à marawakan na kinarawing na oy-oyyooncha.
Ngim siya umogyatanyu kumà Apudyus, tan nu otyonan long-ag, annan karobfonganay mangifallu ad infierno wi sachin machusaan na taku. Siyan Apudyus na ustuy ogyatanyu!
Na osay pumappatoy wi nichar-ag nilansa an Jesus, ininsurtuna kò siya, wi anana, “Nu tuttuway sian Cristu wi impustan Apudyus, saraknifam na long-agnu ya chiani ko!”
