Juan 9:10 - Na Ukud Apudyus

¹⁰ Ad inimuschan siya, “Tamako makailaa ta sana nù?”

Juan 9:10 交叉參考

1 Corinto 15:35

Awad na mangimus wi, “Sinun in-inon na natoy wi umuli mataku? Ad sinu kon itchuran na long-agcha nu umuli mataku?”

Juan 9:26

Ad asincha ko inimus an siya, “Sinun in-inonay nangaan ta kurapnu?”

Juan 9:21

Ngim na naaanan na kurapna, sanat na maid pu akammuni, ad maid pu ko akammuni nu sinun nangaan. Ngim mafalini imusonyun siya tan naangsan met, siyan lobfongnay manongfat ta imusonyu!”

Juan 3:9

Ad anan Nicodemo, “Sinu kon annayay achì pu maawatan?”

Marcos 4:27

Ad nasuyop ta linafi ad fummangon ta finigfikat. Ad na murana, summimit ya chumakochakor, ngim foon pù akammun chi taku nu sinun in-inon na tummufuwana.

Juan 6:1

Sachi ad, nanchormang-anin Jesus ta Fayfay wi Galilea wi anancha koy Tiberias;

Juan 9:9

Ad anan na uchum, “Oo, siya met.” Ngim anan na uchum, “Foon, tan isun yakà fosar chi osa.” Ngim nan-ukud na sachi nakurap wi anana, “Saonna!”

Juan 9:11

Ad ananay summongfat, “Iningkaw na osay taku wi Jesus anun ngachanna. Iningwanan piyò ad illafuna ta atà, ad imfakanan saon wi inyà char-upan na fosar-u ad Siloe. Siyan ummoyà nanchar-up, ad nachisan naaan na kurap-u.”