Siyan na annay isigsikuruyu wi chiayu kan ustu, amaschin mail-ana wi naillachuayu. Tan akammuyu met na sachi ukud wi anana, “Nu milauk na uray aiti yeast wi mampafotar, alinana losan.”
Tan na isag wi nallamram-ayana ya nangipachayawana ta long-agna, siya kon isun na manlikatana ya manchomchomana. Tan anana ta somsomòna, ‘Isuwà à turay wi foon à nafaru, siyan maid mipadpachas an saon à isun na likat na mafaru!’
Tan na losani nailufungan, foon à narpun Apudyus, tan chichan lawing wi sikuchi pion na long-agtau, ad amaschin iillan na takù talikakayancha ya ipaspas-archa. Ngim losan chachi, narpu ta lawingi somsomò na takuy foon pù mangakammun Apudyus.
