A Pas anun o Pol torom a taro Rom 8:6 - Nupela Testamen long tokples Kandas

⁶ Osi ra a nuknukino i kis utuntudu ina sakino nemnem ina pinino, in mat. Ikut, osi ra a nuknukino i kis utuntudu ina Tokodos na Nion, in laun ma in taramo a malmal.

A Pas anun o Pol torom a taro Rom 8:6 交叉參考

A Wakak na Wasiso un o Iesu Karisito o Jon i tumusi 14:27

A pitar a malmal torom mot. Anung a malmal ra, a tabor mot nami. Ka tabor mot elar nama rakrakon bual i etabor. Gong a balamot i mamaut, ma gong mot ngara.

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Jon i tumusi 17:5

Tita, uniri, ra an kis tomo melet nam ui, un pitar a minamar tang. A minamar ra numugu a kis uni tomo nam ui, ra ka di ukisi utmakai a rakrakon bual.

A Pas anun o Pol torom a taro Rom 13:14

Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

A Pas anun o Pol torom a taro Rom 5:1

Una nundat a nurnur ut, o God i watung dat lena dat tokodos umatano. I mo ra dat kis na malmal tomo nam o God, kibino una nundat a Labino o Iesu Karisito.

A Pas anun o Pol torom a taro Rom 5:10

Ra dat kis na ebar utmakai nam o God, i tulu ru o Nutunu sur in mat sur dat, sur dat in emarom melet nam o God. Ra dat kis na emarom nam o God, i lingmulus sakit, in ulaun pas dat, kibino una nilaun anun o Nutunu.

A Pas anun o Pol torom a taro Rom 6:21

Numugu mot ser pam a kum sakino petutna, ra uniri mot maimai uni. Ra mot pami, i warut mot pepetlai? I ben mot kut sur a minat.

A Pas anun o Pol torom a taro Rom 6:23

Uni a kunukul ina sakino petutna, a minat. Ikut a etabor, ra o God i pitar orosi kut, i a nilaun tukum. A nilaun ra dat losi, kibino una pinapam anun o Karisito Iesu anundat a Labino.

A Pas anun o Pol torom a taro Rom 7:11

Uni a sakino petutna i sio pas a kisapi tiro korot una Warkurai sur in toro pas iau, ra una dekdekin a Warkurai i um doko iau.

A Pas anun o Pol torom a taro Rom 7:5

Numugu anundat a nilaun i kis utuntudu ina dekdekin a sakino nemnem ina pinindat, ra a kum Warkurai i ukatutur pat a kum sakino nemnem sur dat in pam a sakino petutna. Ra a sakino petutna una nundat a nilaun i pitar a minat kut.

A Pas anun o Pol torom a taro Rom 8:13

Uni ra mot mur a sakino nemnem ina pinimot, mot in mat. Ikut, ra una dekdekin a Tokodos na Nion, mot in um doko ru a kum sakino petutna ra a pinimot i ser pami, mot in laun.

A Pas anun o Pol torom a taro Rom 8:27

Ma o God i tama a balandat ma i tasman a nuknuk ina Tokodos na Nion, uni a Tokodos na Nion i wararing elar nama nemnem anun o God, sur a taro anunu.

A Pas anun o Pol torom a taro Rom 8:7

Osi ra a nuknukino i kis utuntudu ina sakino nemnem ina pinino, der ebar nam o God. Uni osi ra a nuknukino i lenra, ke unatino pasi utuntudu ina kum Warkurai anun o God, ma ken pet lar pasi.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 6:8

Osi ra i muri kut a kum sakino nemnem ina pinino, in pasong pas a minat tukum. Ma osi ra i mur a Tokodos na Nion, in pasong a nilaun tukum tan a Tokodos na Nion.