A Pas anun o Pol torom a taro Rom 8:32 - Nupela Testamen long tokples Kandas
32 O God ke maris bat o Nutunu, awu. I pitar tari kut sur in mat sur dat rop. Ra i pitar tar o Nutunu sur in mat sur dat, in pitar orosi utkai a kum wakak na utna rop torom dat.
Mot a laulau na taro, ikut mot tasmani ut a kum wakak na etabor sur mot in tabor a kum nutnutu mot nami. Ra mot ser pami lenra, i lingmulus sakit lena, osi ra in saring a Tamamot ra i kis sapat una langit, in tabori ut nama kum wakak na utna.
Uni a kunukul ina sakino petutna, a minat. Ikut a etabor, ra o God i pitar orosi kut, i a nilaun tukum. A nilaun ra dat losi, kibino una pinapam anun o Karisito Iesu anundat a Labino.
Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino.
Ma met, ka met rakon a nion taginin una rakrakon bual, awu. O God i tabor met nama Tokodos na Nion, sur met in tasman lele a kum etabor rop ra i tabor oros tar met kut nami.
A kum mamaut ra met barato i, det wanpat sur in uwakak mot. Ra a marmaris anun o God i wan sarara torom a taro, a susut na taro det in watung wakak torom o God, ma det in watung ulabo pasi.
O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.
Met tupunuk, ikut met ser gas una kum bung rop. Met sibo, ikut met warut a susut na taro sur anundet a susut na utna. Kalako utna anumet, ikut a kum utna rop anumet.
A marmaris i lenri: O God ut i maris mugu dat. Awu sur dat, dat maris mugu o God, awu. O God i maris dat, ra i pitar ru o Nutunu sur in mat ra in ulangolango pas dat gusun anundat a kum sakino petutna ma in urop ru a kankan anun o God gusun dat.
