A Pas anun o Pol torom a taro Rom 2:26 - Nupela Testamen long tokples Kandas
26 A taro gisen ka di tok talilis det, ikut, ra det mur asau ra a kum Warkurai anun o God i wasiso uni, o God i tama det elar nami ra di sa tok talilis tar det.
Ra u mur a kum Warkurai, a tinotok talilis ra di pam tari un ui, i lingmulus. Ikut, ra ko mur a kum Warkurai, u elar kut nam taio ra ka di tok talilis a pinino.
Osi ra ka di tok talilis a pinino ma ka di ususeri una kum Warkurai, ikut i muri ut asau ra a kum Warkurai i wasiso uni, anun a nilaun in takun ui, ra di sa tok talilis tar ui, ma u tasman a kum Warkurai, ikut u lakai i.
Uni ara God kut, ma in watung a taro Juda lena, det tokodos umatano una nurnur. Lenkutkai ra torom a taro gisen, in watung det lena, det tokodos una nurnur utkai.
I pami sur a tokodos na petutna, ra a kum Warkurai det wasiso uni, in nanpat mulus una nundat a nilaun. Ka dat mur meleti mo a sakino nemnem ina pinindat, dat muri mukut a nemnem anun a Tokodos na Nion.
Mot in nuk pasi, di usus mot awu sur mot a taro Juda. Ma a taro Juda det ser tok talilis a pinindet, elar nama ukinalong lena det anun o God. A petutna ra det pami nama lamandet. Ma numugu det watung mot lena awu sur mot anun o God, uni ka di tok talilis mot.
Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.
Una numot a nilaun un o Karisito, i tok talilis mot, ikut awu sur a ngas na tinotok talilis ra a taro det pami nama lamandet, awu. A tinotok talilis ra o Karisito i pami i lenri, i rakon ru a laulau na nemnem ina pinimot.
